لوبري-پەتستسي سيندرومى: سيرەك كەزدەسەتىن سىرقاتقا دۋشار بولعان سابيگە وپەراتسيا جاسالدى

ايتا كەتۋ كەرەك, كىشكەن­تاي پاتسيەنت ءتۋابىتتى جۇرەك كە­مىس­تىگىمەن دۇنيەگە كەلگەن­دىك­تەن, تۋعان كەزىندە بىردەن قوس قول­قا دوعاسىنا وپەراتسيا جا­سال­عان ەكەن. بۇل جولى قالا دارى­گەرلەرى 4 جاستا­عى ناۋقاس سيرەك كەزدەسەتىن لوبري-پەتستسي سيندرومىنا شال­دىق­قاندىقتان, ەكىنشى رەت حي­رۋرگيالىق وپەراتسيا جا­ساۋ­عا شەشىم قابىل­دادى. لوبري-پەتستسي سيندرومى دەپ وتىرعانىمىز – قا­رىن­شالىق پەردە اقاۋىنىڭ اورتا قاق­پاق­شا­سىنىڭ جەتكى­لىك­سىزدىگى­مەن ۇي­­لەسكەن ءتۋابىتتى جۇرەك كە­مىس­تىگى. «وپەراتسيا كەزىندە جۇرەك­تىڭ كولەمى ەداۋىر ۇل­كەيىپ, كە­ڭە­يىپ كەتكەنى بەلگىلى بولدى. وپە­راتسيا بارىسىندا جۇرەك توقتاتىلىپ, جاساندى قان اينالىم اپپاراتى پايدالانىلدى», دەيدى كارديوحيرۋرگ اباي سۇرتاي.

دارىگەردىڭ ايتۋىنشا, ­اورتا قاقپاعىنا جاقىن ورنا­لاس­قان كەمىستىكتى تۇزەتۋ اسا قيىن­عا سوققان. دەگەنمەن وپەراتسيا ءساتتى ءوتتى, بۇگىندە بالدىرعان بو­لىمشەگە اۋىس­تىرىلدى.

پەريناتولوگيا جانە بالا­لار كارديوحيرۋرگياسى ورتا­لىعىندا ءمامس پاكەتىنە كىرە­­تىن جوعارى تەحنولوگيالىق وپەراتسيالاردىڭ جۇرەك ال­ماستىرۋدان باسقا بارلىق ءتۇرى جاسالاتىنىن اتاپ وتكەن ءجون. جىل باسىنان بەرى ورتا­لىق كارديولوگتەرى 100-دەن استام وپەراتسيا جاساسا, ولار­دىڭ اراسىندا ءبىر جاسقا تولماعان 55 ءسابي بار.

الماتىدا جاڭا تۋعان نا­رەس­تەلەردىڭ ءولىم-ءجىتىمى جو­­عارى بولعاندىقتان, پەري­ناتولوگيا جانە بالالار كارديوحيرۋرگياسى ورتالىعى­نا تامىز ايىندا قالا اكىمى ەربو­لات دوساەۆ ارنايى بار­عان بولاتىن. جىل سايىن ور­تا­لىقتا 12 مىڭنان استام مەديتسينالىق كومەك كورسە­تى­­لەدى, ماماندار جوعارى قاۋىپ­تىلىك ساناتىنداعى 9 مىڭنان پاتسيەنتتى بوساندىرادى. بۇل ساناتقا سالماعى وتە از, تۋا بىت­كەن جۇرەك اۋىتقۋلارى مەن باسقا پاتولوگيالارى بار بالا­­لار جاتادى. ورتالىقتا بالالاردى كۇتەتىن جانە ورتا ەسەپپەن جىلىنا 150-200 كار­دي­و­­حيرۋرگيالىق وپەراتسيا جاسايتىن بىلىكتى كادرلار بار.

الايدا ورتالىقتىڭ قول­­دانىستاعى ينفراقۇ­رى­لىمى, اسى­رەسە وپەراتسيالىق-رەا­ني­ماتسيالىق بولىمشەلەرى مەن ەمحاناسى كۇردەلى جون­دەۋ مەن جاڭعىرتۋدى تالاپ ەتەدى. وپەراتسيالىق بولمە­­لەر­دە جەلدەتۋ جۇيەسى مۇل­دەم ىستەمەيدى. جىلىتۋ جۇيە­لەرىن, كارىز قۇبىرلارىن, شاتىر, ليفتىلەردى جوندەۋ مەن اۋىس­تىرۋعا تۋرا كەلەدى.

قالا اكىمى ەربولات دوساەۆ قوعامدىق دەنساۋلىق ساقتاۋ باسقارماسىنا قالانىڭ قۇرى­لىس باسقارماسىمەن بىرلە­سىپ, 2023 جىلى قۇرىلىس-مون­تاج جۇمىستارىنا كىرىسۋ ماقساتىندا وسى ماسەلەلەردى كەشەندى شەشۋ ءۇشىن قاجەتتى قاراجاتتى قاراستىرۋ مەن جوبالاۋ جۇمىستارىن جۇر­گىزۋدى تاپسىردى.

الماتى