ەلوردا تۇرعىندارىنىڭ ءوتىنىشى بويىنشا نۇر-سۇلتانداعى اۋىل شارۋاشىلىعى جارمەڭكەسى 30 تامىزعا دەيىن جالعاسادى, دەپ حابارلايدى Egemen.kz نۇر-سۇلتان اكىمدىگىنىڭ سايتىنا سىلتەمە جاساپ.
نۇر-سۇلتاندا تۇركىستان وبلىسىنىڭ 70-تەن استام اۋىل شارۋاشىلىعى وندىرۋشىلەرى 535 توننا ءوز ونىمدەرىن ۇسىندى. ونىڭ ىشىندە ەت جانە ەت ونىمدەرى, كوكونىستەر, كارتوپ, ءسۇت, نان-توقاش ونىمدەرى, جەمىستەر مەن باقشا ونىمدەرى, بال, جەمىس شىرىندارى, كونسەرۆىلەنگەن ونىمدەر, جۇمىرتقا بار. مۇنىڭ ءبارىن ءداستۇرلى تۇردە نارىقتىق باعادان 15-20% تومەن باعامەن ساتىپ الۋعا بولادى.
جارمەڭكە 29 تامىزعا دەيىن سوزىلۋى كەرەك ەدى, بىراق قالا تۇرعىندارىنىڭ وتىنىشتەرى بويىنشا ءىس-شارا 30 تامىزعا دەيىن ۇزارتىلدى (جارمەڭكە دۇيسەنبىدە دە بولادى).
جارمەڭكە «بارىس ارەنا» مۇز سارايىنىڭ اۋماعىندا وتكىزىلەدى.