ەرتەڭ ماجارستاندا باسكەتبولدىڭ 3ح3 تۇرىنەن جاستار اراسىنداعى الەم كۋبوگى باستالادى. بۇل جارىستا قازاقستان قۇراماسى دا ونەر كورسەتەدى.
جەرلەستەرمىز D توبىندا وينايدى. قارسىلاستارىمىز – ۋكراينا, ليتۆا, باحرەين جانە برازيليا قۇرامالارى. ءبىزدىڭ جىگىتتەر وزدەرىنىڭ تۇساۋكەسەر كەزدەسۋىن بالتىق جاعالاۋىنان كەلگەن باسكەتبولشىلارمەن وتكىزەدى. اتالعان جارىستا ەل نامىسىن راديسلاۆ روديونوۆ, ستەپان ياكۋبوۆيچ, ءامىر ءتاشىموۆ, ەلدار حيلاجەۆ, ءانۋار ارعىنباەۆ جانە تيمۋر باتىرقۇل قورعايدى.
ء«بىر ايعا سوزىلعان الەم كۋبوگىنا دايىندىقتى جاقسى وتكىزدىك. جىگىتتەرىمىزدىڭ بارلىعى دا وزدەرىن جاقسى قىرىنان كورسەتتى. ءيا, قارسىلاستارىمىزدىڭ بارلىعى دا مىقتى ەكەنى ءمالىم. بىراق ءبىز دە قاراپ قالمايمىز», دەيدى قۇرامانىڭ جاتتىقتىرۋشىسى ريۆقات بابەكەنوۆ.
ەستەرىڭىزگە سالا كەتەيىك, بىلتىر وتكەن الەم كۋبوگىندا قازاقستاندىق ويىنشىلار شيرەك فينالعا دەيىن جەتكەن بولاتىن.