ىشكى ىستەر مينيسترلىگى اكىمشىلىك پوليتسيا كوميتەتى توراعاسىنىڭ مىندەتىن اتقارۋشى جاندوس مۇراتاليەۆتىڭ ايتۋىنشا, بيىل ەلىمىزدە 308 جاياۋ جۇرگىنشى قايتىس بولدى, دەپ حابارلايدى Egemen.kz.
«جول-كولىك وقيعاسىندا مەرت بولعانداردىڭ جانە جاراقات العانداردىڭ تورتتەن ءبىر بولىگى جاياۋ جۇرگىنشىلەر. بيىل ەلىمىزدىڭ جولدارىندا 308 جاياۋ جۇرگىنشى كوز جۇمدى جانە 2 168-ءى ءتۇرلى دەنە جاراقاتتارىن الدى», دەدى ۆەدومستۆو وكىلى.
وسى ورايدا ول جاياۋ جۇرگىنشىلەر جولدا جاۋاپكەرشىلىك تانىتۋى ءتيىس ەكەنىن, جولداعى قاۋىپسىزدىك جالپى العاندا جاياۋ جۇرگىنشىگە دە, كولىك جۇرگىزۋشىسىنە دە قاتىستى ەكەنىن اتاپ ءوتتى.
«باعدارشامنىڭ قىزىل ءتۇسىن ەلەمەي جۇرگەن نەمەسە جولدى بەلگىلەنبەگەن جەرىنەن كەسىپ وتكەن جاياۋ جۇرگىنشى جول اپاتىنا كىنالى بولىپ جاتادى. جاياۋ جۇرگىنشىلەردىڭ كەسىرىنەن 265 جول-كولىك وقيعاسى تىركەلىپ, وندا 55 ادام قازا بولىپ, 217-ءسى ءتۇرلى جاراقات الدى», دەدى ۆەدومستۆو وكىلى.