مەملەكەتتىك قىزمەتتەردى ەڭ ىڭعايلى نۇسقادا الادى

حقو باسشىلارىنىڭ الماتىداعى باسقوسۋى قاۋىمداستىق مۇشەلەرىنە پاندەميانىڭ قىسقا مەرزىمدى جاۋاپ شارالارى مەن ۇزاق مەرزىمدى اسەرىن تالداۋعا, سونداي-اق وسى سالاداعى الەۋمەتتىك قام­سىزداندىرۋدىڭ نەگىزگى پروبلەمالارىن تالقىلاۋعا مۇمكىندىك بەردى.

ازەربايجان رەسپۋبليكاسى تۇراقتى جانە جەدەل الەۋمەتتىك قامسىزداندىرۋ اگەنتتىگىنىڭ (DOST) دەرەكتەردى باسقارۋ جانە تالداۋ دەپارتامەنتىنىڭ ديرەكتورى شاحين زۋلفۋگاروۆتىڭ ايتۋىنشا, قازاقستاندىق فرونت-وفيستەر بالاماسى سانالاتىن تۇراقتى جانە جەدەل الەۋمەتتىك قامسىزداندىرۋ اگەنتتىگى (DOST) پرە­زيدەنت جارلىعىمەن 2018 جىلدان بەرى جۇمىس ىستەيدى. DOST اگەنتتىگى بىرىڭعاي ۇيلەستىرۋ ور­تا­لىق­تا­رىنىڭ قىزمەتتەرىن قوسا ال­عاندا, تىكە­لەي ورتالىقتار جەلىسى ارقىلى 12 باعىتتا 154 قىزمەت كورسە­تەتىنىن ايتادى.

وزبەكستان رەسپۋبليكاسىنىڭ قارجى مينيسترلىگى جانىنداعى زەينەتاقى قورى اتقارۋشى ديرەكتورىنىڭ ءبىرىنشى ورىنباسارى زوحيدحۋجا تۇرسىنوۆ جاڭا وزبەكستاننىڭ 2022-2026 جىل­دارعا ارنالعان ستراتەگياسىنىڭ الەۋ­مەتتىك بولىگىنە توقتالسا, بەلارۋس رەسپۋب­ليكاسىنىڭ حالىقتى الەۋمەتتىك قورعاۋ قورى باسقارۋشىسىنىڭ ءبىرىنشى ورىنباسارى ۆيكتوريا ترۋحان ءوز ەلىندە مەكەمەارالىق ءوزارا ءىس-قيمىل شەڭبەرىندە ۇسىنىلاتىن, سونداي-اق مەملەكەتتىك باس­قارۋ ورگاندارى شارۋاشىلىق جۇرگىزۋشى سۋبەكتىلەرگە دە, سونداي-اق مەملەكەتتىك باسقارۋ ورگاندارى ۇسى­ناتىن قىزمەتتەر مەن سەرۆيستەردى شوعىرلاندىراتىن جالپى مەملەكەتتىك اۆتوماتتاندىرىلعان اقپاراتتىق جۇيەنىڭ ەلەكتروندىق قىز­مەت­تەرىنىڭ بىرىڭعاي پورتالى جۇمىس ىستەيتىنىن ايتادى.

حالىقارالىق كونفەرەنتسيانى ۇيىم­داس­تىرۋشىلاردىڭ ءبىرى – «ازامات­تارعا ارنالعان ۇكىمەت» مك كەاق تورالقا توراعاسى سۇيەنىش ءابدىلدين قازاقستان مەملەكەتتىك قىزمەتتەردى ودان ءارى تسيفر­لاندىرۋعا بەلسەندى تۇردە كىرىسىپ وتىر­عانىن جەتكىزدى.

ء«بىز ۇنەمى حالىقپەن جۇمىس ىستەۋدە الدىڭعى شەپتە وتىرعاندىقتان وزەكتى ماسەلەلەردى كوتەرەمىز. بۇگىندە ەلىمىزدە ەgov-تى مونوپولياسىزداندىرۋ ءۇردىسى ءجۇرىپ جاتىر. بۇل – مەملەكەتتىك قىزمەت­تەردىڭ قولجەتىمدىلىگىن تەك مەملەكەتتىك قىزمەتتەردىڭ بىرىڭعاي پورتالىندا عانا ەمەس, بانكتەر, ونلاين پلاتفورمالار ارقىلى الۋعا عانا ەمەس, مەملەكەتتىك قىز­مەتتەردىڭ قولجەتىمدىلىگىن قام­تا­ماسىز ەتۋگە دە مۇمكىندىك بەرەدى, ازاماتتار مەملەكەتتىك قىزمەتتەردى الۋ ءۇشىن ەڭ وزىنە ىڭعايلى نۇسقانى تاڭداي الادى. الەۋ­مەتتىك قامسىزداندىرۋ تۇرعىسىنان العاندا, بۇل – پرواكتيۆتى قىزمەتتەر. ءوتىنىش بەرۋ فورماتىنان انىقتاۋ, اۆتوماتتى تۇردە قىزمەت كورسەتۋ فورما­تىنا كوشۋ. بۇل ورايدا ەڭبەك جانە الەۋمەتتىك قامسىزداندىرۋ مينيسترلىگى قولعا العان «وتباسىنىڭ تسيفرلى كارتاسى» جوباسىنان ۇلكەن ءۇمىت كۇتۋگە بولادى» دەدى «ازاماتتارعا ارنالعان ۇكىمەت» مك كەاق تورالقا توراعاسى سۇيەنىش ءابدىلدين.

ەكى كۇنگە جالعاسقان جيىندا تمد وكىلدەرى تاجىريبەلىك الەۋمەتتىك باعدار­لامالارعا قاتىسىپ, الماتى قالاسىنىڭ الەۋمەتتىك قىزمەتتەر ءۇيىنىڭ جۇمىسىمەن تانىستى.

الماتى