استانا.7 مامىر. استانادا وتكەن اسكەري شەرۋدە مەملەكەت باسشىسى قورعانىس سالاسىنا زامان تالابىنا ساي كەڭ اۋقىمدا قولداۋ كورسەتىلىپ وتىرعانىن اتاپ ءوتتى. بۇل تۋرالى egemen.kz حابارلادى.
پرەزيدەنت اسكەري قىزمەتشىلەردىڭ الەۋمەتتىك جاعدايىن جاقسارتۋعا قاتىستى كوپتەگەن جۇمىستار اتقارىلعانىن ايتا وتىرىپ: «ارميا زاماناۋي قارۋ-جاراقپەن جابدىقتالۋدا, جاتتىعۋلار تۇراقتى وتكىزىلىپ تۇرادى, ساربازدار مەن وفيتسەرلەردى الەۋمەتتىك قولداۋمەن قامتاماسىز ەتىپ كەلەمىز. بارلىق جەردە اسكەري قالاشىقتار اباتتاندىرىلىپ, جاڭا باسپانا, سپورت كەشەندەرى سالىنىپ جاتىر. بۇل – ەلدىڭ ارميامىزعا دەگەن قامقورلىعى. قازاقستاننىڭ قارۋلى كۇشتەرى, ۇلتتىق قاۋىپسىزدىك, ىشكى ىستەر ورگاندارى, مەملەكەتتىك كۇزەت قىزمەتى, ۇلتتىق ۇلان, توتەنشە جاعدايلار مينيسترلىگى ءبارى الدارىنا قويىلعان مىندەتتەرىن لايىقتى ورىنداۋدا», – دەدى.
مەملەكەت باسشىسى 2015 جىلى ۇلى وتان سوعىسىنىڭ جەڭىسىنە 70 جىل تولاتىنىن, ونى كەڭىنەن اتاپ ءوتۋ قاجەت دەپ سانايتىنىن جەتكىزدى. ول: «ءاربىر ارداگەرگە كوڭىل ءبولىپ, قولداۋ كورسەتۋ كەرەك. ادامزات تاريحىنداعى ەڭ قانقۇيلى سوعىستا جەڭىسكە جەتكەن ەرلەر رۋحىن ءبىز ءاردايىم قاستەر تۇتامىز. ءبىز ءححى عاسىردا بەيبىتشىلىككە باعىتتالعان جاھاندىق اۋقىمداعى باستامالار كوتەرىپ, جۇزەگە اسىرۋدامىز. قازاقستان – يادرولىق قارۋعا قارسى جالپىعا ورتاق دۇنيەجۇزىلىك قوزعالىستىڭ لوكوموتيۆى, بۇنى بۇكىل الەم جوعارى باعالاپ وتىر», – دەدى.
سونداي-اق, پرەزيدەنت وتان قورعاۋشىلارعا قاراتا: «ءوز قاستەرلى بورىشتارىڭىزدى ابىرويمەن اتقارىڭىزدار. سىزدەردىڭ باستى مىندەتتەرىڭىز – تۋعان جەردىڭ تىنىشتىعىن كۇزەتۋ, تاۋەلسىزدىگىمىزدى ايانباي قورعاۋ. سىزدەر قازاقستاندىقتاردىڭ بارلىق بۋىنى ءۇشىن ار-نامىستىڭ, جاۋاپكەرشىلىكتىڭ, ءپاتريوتيزمنىڭ ۇلگىسى بولۋعا تيىسسىزدەر. بۇگىنگى شەرۋ – ارميامىزدىڭ قۋاتىن, بيىك جاۋىنگەرلىك رۋحىن جانە دايىندىعىن كورسەتۋدىڭ تاعى ءبىر مۇمكىندىگى, – دەدى.
جولدىباي بازار.
دەرەككوز: egemen.kz.
فوتو: kagro.kz.