استانا. 7 مامىر. كەشە يادرولىق دەرجاۆا – رەسەي, اقش, ۇلىبريتانيا, فرانتسيا جانە قىتاي 2009 جىلى قابىلدانعان يادروسىز ايماق قۇرۋ جونىندەگى كەلىسىمگە سايكەس ورتالىق ازيا مەملەكەتتەرىنە (قازاقستان, قىرعىزستان, تاجىكستان, تۇركىمەنستان جانە وزبەكستان) قاۋىپسىزدىكتى قامتاماسىز ەتۋ حاتتاماسىنا قول قويدى. بۇل تۋرالى يتار-تاسس حابارلادى.
ەندى يادروسىز ايماق قۇرۋ ءۇشىن تەك وسى قوسىمشا حاتتامانى راتيفيكاتسيالاۋ عانا قالدى.
كەلىسىمگە قول قويۋشىلار ءوز ەلدەرىنىڭ تەرريتوريالارىنا يادرولىق قارۋ مەن ونىڭ قۇرامداس بولىكتەرىن نەمەسە باسقا دا يادرولىق جارىلعىش قۇرىلعىلاردى جاساۋعا, ساتىپ الۋ جانە ورنالاستىرۋعا تىيىم سالۋدى مويىندارىنا الدى. وسىمەن بىرگە, كەلىسىم الەمدىك يادرولىق ەنەرگەتيكانى دامىتۋعا تىيىم سالا المايدى.
مۇنداي حاتتاما تاريحتا ءبىرىنشى رەت بارلىق يادرولى دەرجاۆالار وكىلدەرىنىڭ ءبىر مەزگىلدە قول قويۋى ارقىلى دۇنيەگە كەلىپ وتىر. «بۇل الەم تاجىريبەسىندەگى ءبىرىنشى وقيعا», - دەپ اتاپ ءوتتى وسىعان وراي رەسەيدىڭ بۇۇ-داعى وكىلى ۆيتالي چۋركين.
مۇرات ايتقوجا.
دەرەككوز: يتار-تاسس.
فوتو: يتار-تاسس.