استانا. 7 مامىر. ەلورداداعى «قازاق ەلى» الاڭىندا پرەزيدەنت, باس قولباسشى نۇرسۇلتان نازارباەۆتىڭ قاتىسۋىمەن وتكەن اسكەري شەرۋ مەملەكەتىمىزدىڭ ابىرويىن كوتەرىپ, داڭقىن اسىردى. بۇل تۋرالى egemen.kz ءتىلشىسى حابارلادى.
اسكەري شەرۋگە توتەنشە جاعدايلار جونىندەگى, ىشكى ىستەر, قورعانىس مينيسترلىكتەرىنىڭ, ۇلتتىق قاۋىپسىزدىك كوميتەتىنىڭ, مەملەكەتتىك كۇزەت قىزمەتىنىڭ پارادتىق ەسەپ توپتارى جانە اسكەري تەحنيكا مەن اۋە كۇشتەرى جوعارى دايىندىقپەن كەلدى.
سالتاناتتى شەرۋگە ەلىمىزدىڭ قۇرلىق اسكەرلەرىنىڭ باس قولباسشىسى, گەنەرال-لەيتەنانت مۇرات مايكەەۆ باسشىلىق جاسادى.
بۇل ايتۋلى شارادا 2500-دەن استام اسكەري قىزمەتشى «قازاق ەلى» الاڭىندا ساپ تۇزەدى. ال مەحانيكالاندىرىلعان لەكتە 200-دەن اسا اسكەري تەحنيكا بولدى. اۋەدەگى شەرۋ دە وتە جوعارى دەڭگەيدە ۇيىمداستىرىلدى. الاڭ ۇستىندە 70-تەن استام اۋە تەحنيكاسى سامعادى.
شەرۋگە بارلىق اسكەري بولىمدەر مەن گارنيزونداردىڭ وكىلدەرى تارتىلدى. شاراعا قاتىستىرىلعان تەحنيكالاردىڭ ءبىر بولىگى وتاندىق قورعانىس كاسىپورىندارىندا جاسالعانىن نەمەسە قايتا جاڭعىرتىلىپ, جەتىلدىرۋدەن وتكەنىن ايتا كەتەيىك.
جولدىباي بازار.
دەرەككوز: egemen.kz.
فوتو: ortcom.kz.