اتىراۋ. 7 مامىر. اتىراۋ-استراحان باعىتىنداعى كۇرە جولدىڭ بويىندا اتىراۋ وبلىسىنىڭ تۇرعىنى 61 كيلو بەكىرە تۇقىمداس بالىعىمەن ۇستالدى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
دەپارتامەنتكە قاراستى بالىق قورىنا قول سۇعۋشىلىققا قارسى كۇرەس ءبولىمىنىڭ قىزمەتكەرلەرى «شەۆرولە» كولىگىن يساتاي اۋدانىنداعى №18 تەمىر بەكەتى تۇسىندا توقتاتقان. شەتەلدىك كولىكتىڭ جۇرگىزۋشىسى بەكىرە تۇقىمداس بالىقتاردى زاڭسىز اۋلاۋشىلىعىمەن اتى شىققان جانباي اۋىلىنىڭ 25 جاسار تۇرعىنى بولىپ شىقتى. كولىكتى تەكسەرۋ بارىسىندا ونىڭ سالونىنان 61 كيلو بەكىرە تۇقىمداس بالىق تابىلعان.
وسى فاكتىگە بايلانىستى قىلمىستىق كودەكستىڭ 290-بابىمەن (جانۋارلار مەن وسىمدىكتەردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىمەن زاڭسىز ءىس-ارەكەتتەر) قىلمىستىق ءىس قوزعالدى.
جولداسبەك شوپەعۇل.
دەرەككوز: اتىراۋ وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
فوتو: ishingpage.hut2.ru.