استانا. 7 مامىر. قازاقستاندىق 5 ارداگەر 9 مامىردا ماسكەۋدە بولاتىن اسكەري شەرۋدى تاماشالاپ قايتادى. بۇل تۋرالى «حابار» ارناسى حابارلادى.
جەڭىس كۇنىن ماسكەۋ تورىندە اتاپ وتەتىن بۇل ارداگەرلەردىڭ ەكەۋى استانالىق, ۇشەۋى الماتىلىق.
بيىل رەسەيدىڭ باس قالاسىنداعى سالتاناتتى شەرۋگە سوعىس ارداگەرلەرى عانا ەمەس, تىل ەڭبەككەرلەرى دە قاتىسپاق.
«قىزىل الاڭدا» وتەتىن سالتاناتتى شەرۋدى جىل سايىن قارت ساربازدار اسىعا كۇتەدى. ەلىمىزدىڭ ارداگەرلەرى وسىمەن ءۇشىنشى رەت ايتۋلى شاراعا شاقىرتۋ الىپ وتىر.
بۇل اتاۋلى كۇندى ماسكەۋدە قارسى الۋدىڭ اسەرى ارداگەرلەر ءۇشىن مۇلدە بولەك بولارى ءسوزسىز. ويتكەنى, ولار «قىزىل الاڭدا» وزدەرىنىڭ قارۋلاس, مايداندا بىرگە بولعان سەرىكتەرىمەن كەزدەسىپ, وتكەن شاقتارىن ەسكە الىسادى.
ماسكەۋگە قۇرمەتپەن شاقىرىلعان ارداگەرلەر تەك اسكەري شەرۋدى عانا ەمەس, وزگە دە ءتۇرلى شارالارعا قاتىسادى.
جولدىباي بازار.
دەرەككوز: «حابار» ارناسى.
فوتو: Yvision.kz.