استانا. 7 مامىر. الماتى قالاسىنىڭ تۇبىندەگى اسكەري بولىمدەردىڭ بىرىندەگى شەكارا بەلدەۋى ۇستىنەن قارۋمەن اتىپ ولتىرىلگەن سولداتتىڭ ءمايىتى تابىلدى. بۇل تۋرالى mgorod.kz سايتى حابارلادى.
قازاق تاپقان قاتارداعى جاۋىنگەردىڭ اتى-ءجونى ارمان ناۋرىزعاليەۆ اسكەر قاتارىنا 2013 جىلى كۇزدە باتىس قازاقستان وبلىسىنان شاقىرىلعان ەكەن. ول شەكارا بولىمىنە تاپ كەلىپتى.
«ءبىز ودان اسكەرگە بارۋدى توقتاتا تۇرۋدى وتىنگەن ەدىك, - دەيدى قازا تاپقان ساربازدىڭ اپكەسى مارينا. – بىراق ول اسكەردە قىزمەت ەتۋگە قاتتى قۇشتار بولدى دا, ەشكىمدى تىڭدامادى».
اسكەري بولىمنەن حابار جەتكەننەن كەيىن ارماننىڭ اكەسى مەن اعاسى بىردەن الماتىعا ۇشىپ كەلدى.
«بىزگە تەلەفونمەن حابارلاسىپ, ارماننىڭ مىلتىقپەن اتىلىپ, جاراقات الىپ قالعانى ايتىلدى, - دەيدى اپكەسى. – بىراق ءبىزدىڭ وقيعنىڭ قالاي بولعانى جونىندەگى سۇراعىمىزعا جاۋاپ بەرمەدى. سودان كەيىن تەلەفون تۇتقاسىن دا ەشكىم الماي قويدى. ال ءبولىم كومانديرىنە شىققانىمىزدا, ول بالانىڭ ءوزىن ءوزى اتىپ تاستاعانىن ايتتى».
اتا-انالارىنىڭ ايتۋلارىنشا, قازا تاپقان سولدات سودان شامالى ۋاقىت بۇرىن وزگە بىرەۋدىڭ تەلەفونىمەن حابارلاسىپ, ءوزىنىڭ تەلەفونى بالانسىنا 1000 تەڭگە سالۋدى ءوتىنىپتى. بىراق تۋىستارىمەن سويلەسپەي قويعان.
قۇرىش نۇرىمبەت.
دەرەككوز: mgorod.kz.
فوتو: 00-000-pochemu.info.