استانا. 7 مامىر. استانا قالاسىنىڭ اكىمى يمانعالي تاسماعامبەتوۆ ۇلى وتان سوعىسى ارداگەرلەرىنە پاتەر كىلتىن تاپسىردى. ەندى ولار جەڭىس كۇنىن جاڭا پاتەردە تويلايتىن بولدى. بۇل تۋرالى astana.gov.kz حابارلادى.
يمانعالي تاسماعامبەتوۆ ءوزىنىڭ قابىلداۋىنا كەلگەن ارداگەرلەردى وتان قورعاۋشىلار جانە جەڭىس كۇنىمەن قۇتتىقتاي كەلە: «بۇل ەڭ الدىمەن ەلدىك پەن ەرلىكتىڭ جەڭىسى دەپ ەسەپتەيمىن. ەلباسىنىڭ ساليقالى ساياساتىنىڭ ارقاسىندا ارداگەرلەرگە جاسالىنىپ جاتقان قامقورلىق وتە زور. سونىڭ ءبىر عانا كورسەتكىشىن ايتار بولساق, وسى استانادا ارداگەرلەر تولىقتاي پاتەرمەن قامتاماسىز ەتىلگەن», – دەدى.
قالا بويىنشا, جىل باسىنان بەرى 26 ارداگەر باسپاناسىن جوندەۋدەن وتكىزۋ قاجەت ەكەنىن ايتىپ, ءوتىنىش تۇسىرگەن. قازىرگى تاڭدا بۇلاردىڭ جەتەۋىنىڭ تالاپ-تىلەگى قاناعاتتاندىرىلعان.
جولدىباي بازار.
دەرەككوز: astana.gov.kz.
فوتو: astana-akshamy.kz.