«حالىقتىڭ بيۋدجەتكە قاتىسۋى» باعدارلاماسىنا ءوتىنىش قابىلداۋ كەزەڭى اياقتالدى. بيىل قالا تۇرعىندارىنان جوبا رەتىندە 1251 ۇسىنىس ءتۇستى. بۇل وتكەن جىلمەن سالىستىرعاندا 33 پايىزعا كوپ, دەپ حابارلايدى Egemen.kz.
الماتى قالالىق اكىمدىگىنىڭ مالىمەتىنە سايكەس, تۇرعىنداردان اۋلالار مەن قوعامدىق پايدالانۋ ورىندارىن اباتتاندىرۋ بويىنشا ۇسىنىستار كوپ تۇسكەن. ولاردىڭ ىشىندە سپورت جانە بالالار الاڭدارىن ورناتۋ-371, كۇركەلەر مەن ورىندىقتار, قوقىس جاشىكتەرىن ورناتۋ جانە جوندەۋ تۋرالى 324 ۇسىنىس تۇسكەن. ودان كەيىن ساياباقتار مەن گۇلزارلاردى جاساۋعا, جوندەۋگە, كوشە جارىعىن ورناتۋعا, تروتۋارلار سالۋعا, كوگالداندىرۋ مەن قوقىس تاستايتىن جەرلەردى جويۋعا باعىتتالعان جوبالار قامتىلعان.
«قازىر باعدارلامانىڭ ەكىنشى كەزەڭى باستالدى. 21 شىلدە مەن 12 تامىز ارالىعىندا ساراپشىلار كەڭەسى وتىنىمدەردىڭ كريتەريلەرگە سايكەستىگىن باعالاۋدى جانە الدىن الا رۇقسات بەرۋ حاتتاماسىن جاريالاۋدى جۇرگىزەتىن بولادى. جوبالىق ۇسىنىستاردى پىسىقتاۋ ءۇشىن اۆتورلارعا 10 كۇن بەرىلەدى. كەلىپ تۇسكەن وتىنىمدەر ساراپتامالىق ىرىكتەۋدەن جانە جالپى قالالىق داۋىس بەرۋدەن كەيىن 2023 جىلى ىسكە اسىرىلاتىن بولادى. بيىل قالا تۇرعىندارىنان 1251 جوبالىق ۇسىنىس ءتۇستى. بۇل وتكەن جىلمەن سالىستىرعاندا 33 پايىزعا كوپ», دەپ حابارلادى اكىمدىكتەن.
ايتا كەتەيىك جوباعا ءوتىنىش قابىلداۋ 1 ماۋسىمدا باستالعان بولاتىن.