جاس سۋرەتشىلەرگە ارنالعان ارت-كەڭىستىك

Efes Kazakhstan كورمەلەرگە جاس قىل­قالام شەبەرلەرىن عانا ەمەس, دارىندى ونەر قايراتكەرلەرىن دە شاقىرۋدى جوس­پارلاپ وتىر.

شابىت پەن جاڭا مۇمكىندىكتەرگە جول اشاتىن وسى باستاماعا ۇيىتقى بولىپ وتىرعان Anadolu Efes Group الەۋمەتتىك سالانىڭ تۇراقتى دامۋ ستراتەگياسىن ىسكە اسىرۋ اياسىندا 30 جىلدان استام ۋاقىت بويى بۇكىل الەمدەگى مادەنيەت پەن ونەرگە قولداۋ كورسەتىپ كەلە جاتقانىن ايتا كەتكەن ءجون.

Efes Kazakhstan كومپانياسى Art & creative Solutions قوعامدىق قورى­مەن بىرلەسە وتىرىپ, بۇل باستامانى جال­عاس­تىرىپ, كەسكىندەمە مادەنيەتىن قولداي­تىن جانە مۇلدەم جاڭا ارت-ەكسپيريەنس ۇسىناتىن جوبانى ۇيىمداستىردى.

جاڭا ارت-كەڭىستىكتىڭ اشىلۋىندا سۋرەت­شىلەردىڭ العاشقى توعىز كارتيناسى ۇسىنىلدى.

«كورمەدەن العاشقىلار قاتارىندا ورىن العان زاماناۋي سۋرەتشىلەر اراسىندا ارىستان شالباەۆ, الەنا Welar, ارۋجان جۇمابەك جانە جانەل شاحان بار. بۇل جوبا كومپانيانىڭ كەڭسە كەڭىستىگىنىڭ بىرەگەيلىگىن قالىپتاستىرۋعا جانە جايلى جۇمىس اتموسفەراسىن قۇرۋ­عا باعىتتالعان», – دەيدى Art&creative Solutions قوعامدىق قورىنىڭ كۋراتورى ولگا ۆەسەلوۆا.

«Efes Art Space ۇيىمىنىڭ يدەياسى – بۇل قازاقستاندا تۋىنداعان جانە جاسالعان دۇنيەلەردى ماقتان ەتۋگە ىنتا­لاندىرۋدىڭ تاعى ءبىر ءتاسىلى. ءبىز ءۇشىن دا­رىندى جاستاردى بىرىكتىرۋ ءداس­تۇ­رىن جالعاستىرۋ وتە ماڭىزدى. ءبىز مۇ­ندا شىعارماشىلىق كەزدەسۋلەر, پرە­زەن­تاتسيالار, كونفەرەنتسيالار, سۋرەت­شىلەر جينالىستارى جانە باسقا دا ءىس-شارا­لار وتكىزۋدى جوسپارلاپ وتىرمىز», – دەيدى EfesKazakhstan ماركەتينگ دەپار­تا­مەنتىنىڭ ديرەكتورى زەينەپ ەركان الپ.

جاڭا الاڭ اشىلعان ساتتەن باس­تاپ كومپانيا كورمەلەر وتكىزۋ ماقسا­تىندا سۋرەتشىلەردەن وتىنىمدەر قابىل­داي باستاعان. وعان قوسا Efes Kazakhstan كوم­پا­نياسىنىڭ ونەر جانە شىعارما­شى­لىق­پەن بايلانىسىنىڭ ايعاعى رەتىن­دە Efes ArtSpace Award سىيلىعى تاعا­يىن­دالماق. كومپانيا سۋرەتشىلەردى كور­مەلەرگە قاتىسۋعا شاقىرا وتىرىپ, ءبىر جىل ىشىندە تۋىندىلاردى كورسەتۋ ءۇشىن كەڭسە كەڭىستىگىن پايدالانۋدى جوسپارلاپ وتىر, سودان كەيىن كاسىبي قازىلار القاسىنىڭ داۋىس بەرۋى نەگىزىندە ەڭ جاقسى كورمەگە ارناۋلى سىيلىق بەرىلەدى.

الماتى