ۇلتتىق بىرىڭعاي تەستىلەۋدە شەكتى بالل جيناي الماعان تالاپكەرلەر سول جىلى جوو-عا تۇسە الادى, دەپ حابارلايدى Egemen.kz قر عىلىم جانە جوعارى ءبىلىم مينيسترلىگىنە سىلتەمە جاساپ.
ۆەدومستۆودا ماۋسىم ايىندا ۇبت-دا شەكتى بالل جيناي الماعاندار تەستىلەۋدى تامىز ايىندا تاپسىرا الاتىنىن ەسكە سالدى. بىراق سول ناتيجەلەرمەن تەك اقىلى وقۋ تۇرىنە تۇسۋگە بولادى.
«تامىزداعى ۇبت-عا وسى جىلدىڭ جانە وتكەن جىلداردىڭ مەكتەپ تۇلەكتەرى, كوللەدج تۇلەكتەرى مەن شەتەلدىك مەكتەپتەردە وقىعاندار قاتىسا الادى», دەپ ءتۇسىندىردى مينيسترلىكتەن.
تامىز ايىندا وتكىزىلەتىن ۇبت اقىلى, ونىڭ قۇنى 4230 تەڭگەنى قۇرايدى. وتىنىشتەردى قابىلداۋ 15 شىلدەدە باستالىپ, 30 شىلدەگە دەيىن جالعاسادى. ۇلتتىق تەستىلەۋ ورتالىعىنىڭ سايتىندا تىركەلۋگە بولادى.
ەگەر تۇلەك بارلىق ارەكەتتەردى قولدانا وتىرىپ, شەكتى بالل جيناماسا, وندا ول ءوزى تاڭداعان كەز-كەلگەن ماماندىق بويىنشا ۋنيۆەرسيتەتكە تۇسە الادى.
«بۇل جوو-عا شارتتى قابىلداۋ بولادى, ويتكەنى ءبىر جىل ىشىندە تۇلەكتىڭ وسى جوو-دا وقۋعا لايىقتى ەكەنىن دالەلدەۋ ءۇشىن ۇبت-نى قايتا تاپسىرۋ قاجەت», دەپ حابارلادى مينيسترلىكتە.
ۆەدومستۆودا كۇشى جويىلعان ناتيجەلەرى بار تالاپكەرلەر دە جوو-عا شارتتى تۇردە قابىلدانا الاتىنىن اتاپ ءوتتى. مۇنداي مۇمكىندىك تۇلەكتەرگە ءبىر جىل بويى ۇبت-نى قايتا تاپسىرۋعا مۇمكىندىك بەرمەي, ءوز قۇرداستارىمەن بىرگە وقۋدى باستاۋعا مۇمكىندىك بەرەدى.