قر وقۋ-اعارتۋ ءمينيسترىنىڭ 2022 جىلعى 21 ماۋسىمداعى №291 بۇيرىعىمەن ورتا ءبىلىم بەرۋ ۇيىمدارىنا ارنالعان وقۋلىقتاردىڭ, مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەندەردىڭ ەلەكتروندىق تىزبەسى بەكىتىلدى, دەپ حابارلايدى Egemen.kz.
ءمينيستردىڭ بۇيرىعى «ادىلەت» نورماتيۆتىك قۇقىقتىق اكتىلەردىڭ اقپاراتتىق-قۇقىقتىق جۇيەسىندە جاريالاندى.
«بۇيرىقپەن بەكىتىلگەن ورتا ءبىلىم بەرۋ ۇيىمدارىنا ارنالعان وقۋلىقتاردىڭ, مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەندەردىڭ, ونىڭ ىشىندە ەلەكتروندىق نىسانداعى تىزبەسى وسى بۇيرىققا قوسىمشاعا سايكەس جاڭا رەداكتسيادا جازىلسىن», دەلىنگەن قۇجاتتا.
سونداي-اق ۆەدومستۆو باسشىسى مەكتەپكە دەيىنگى جانە ورتا ءبىلىم بەرۋ كوميتەتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپكە سايكەس اتالعان بۇيرىقتى ادىلەت مينيسترلىگىندە مەملەكەتتىك تىركەۋدەن وتكىزۋىن مىندەتتەيدى. رەسمي تىركەۋدەن وتكەن سوڭ بۇيرىق وقۋ-اعارتۋ مينيسترلىگىنىڭ رەسمي سايتىندا ورنالاستىرىلادى.
مەكتەپ وقۋلىقتارى مەن مەكتەپكە دەيىنگى جانە ورتا ءبىلىم بەرۋ ۇيىمدارىنا ارنالعان وقۋ-ادىستەمەلىك كەشەننىڭ ەلەكتروندىق نۇسقاسىمەن مىنا سىلتەمە ارقىلى تانىسۋعا بولادى.