بەسقاراعاي اۋدانىندا جەتىجار اۋىلىنان 30 شاقىرىم جەردەگى «گراچەۆ ورمانشىلىعى» دولون فيليالىنىڭ تەرريتورياسىنان ءورت شىقتى, دەپ حابارلايدى Egemen.kz.
شىعىس قازاقستان وبلىسى تجد ءباسپاسوز قىزمەتىنىڭ مالىمەتىنشە, شامامەن 20 گەكتار القاپتا قۇرعاق ءشوپ پەن اعاشتار ورتەندى. جاقىن ەلدى مەكەندەرگە قاۋىپ ءتونىپ تۇرعان جوق. ءورتتى سوندىرۋگە شقو تجد-نىڭ 11 قىزمەتكەرى, ءۇش تەحنيكاسى, ورمان شارۋاشىلىعىنىڭ 30 قىزمەتكەرى مەن 11 تەحنيكاسى جۇمىلدىرىلعان.
قۇتقارۋشىلارعا سەمەي قالاسىنان قۇرامىندا 18 ادامى بار كولوننا مەن ءتورت ءورت ءسوندىرۋ كولىگى, سونداي-اق جىلجىمالى بايلانىس تورابى قوسىمشا كومەككە شىققان.