ەۋرازيالىق ەكونوميكالىق وداق ازيا مەن تاياۋ شىعىس نارىقتارىن قامتي وتىرىپ بەلسەندى ساۋدا ساياساتىن جۇرگىزۋى كەرەك. بۇل تۋرالى پەتەربۋرگ حالىقارالىق ەكونوميكالىق فورۋمىنىڭ پلەنارلىق وتىرىسىنا قازاقستان پرەزيدەنتى قاسىم-جومارت توقاەۆ ءمالىم ەتتى, دەپ حابارلايدى Egemen.kz.
«مەنىڭ ويىمشا, جاڭا جاعدايدى ەسكەرە وتىرىپ, ەاەو اياسىندا جاڭا ساۋدا ستراتەگياسىن ازىرلەۋمەن اينالىسۋ قيسىندى ءارى پايدالى بولار ەدى», دەپ توقتالدى قاسىم-جومارت توقاەۆ.
مەملەكەت باسشىسىنىڭ پايىمىنشا, ازيا, تاياۋ شىعىس نارىقتارىن كەڭىنەن قامتي وتىرىپ, بەلسەندى ءارى ءتيىمدى ساۋدا ساياساتىن جۇرگىزۋ كەرەك.
وسى ورايدا قازاقستان «بۋفەرلى نارىق» ىسپەتتى پايدالى ءرولىن تانىتا الادى.
قاسىم-جومارت توقاەۆ ەۋرازيالىق ينتەگراتسيانىڭ ناقتى جەتىستىگى ماڭىزدى تۇردە ورتاق ساۋدا ستراتەگياسىنىڭ تيىمدىلىگىنە بايلانىستى ەكەنىن اتاپ ءوتتى.