5 ماۋسىمدا وتكەن رەفەرەندۋمنان كەيىن ۇلتتىق قۇرىلتايدىڭ العاشقى وتىرىسىنىڭ ۇلىتاۋدا ۇيىمداستىرىلۋىنىڭ ۇلكەن تاريحي سيمۆوليكالىق ءمانى بار دەپ ەسەپتەيمىن.
ەلدىڭ باسىن بىرىكتىرگەن القالى وتىرىستا ۇلكەن يدەيالار, ماڭىزدى پىكىرلەر ايتىلدى. ەل باسىنا كۇن تۋعاندا اتا-بابامىز وسى جەرگە جينالىپ, ەلدىك ماسەلەلەردى شەشكەن. ءتىپتى گەوساياسي ماسەلەلەردى دە كۇن تارتىبىنە شىعارعان دەپ ايتۋعا بولادى. التىن وردانىڭ قۇرىلۋىنا سەبەپشى بولعان دا وسىنداي قۇرىلتاي. تاريحتان بەلگىلى, ۇلىتاۋ – «قاسىم حاننىڭ قاسقا جولى», «ەسىم حاننىڭ ەسكى جولى», تاۋكە حاننىڭ «جەتى جارعىسى» قالىپتاسقان كيەلى مەكەن. وسى تۇرعىدان الىپ قاراعاندا ۇلتتىق قۇرىلتايدىڭ ۇلىتاۋدان باستاۋ الۋىنىڭ تاريحي ءمانى زور, ماڭىزى ەرەكشە. وسى جەردە جاڭا قازاقستاننىڭ جاڭا باعىتتارى, تىڭ باستامالارى شەشىمىن تابادى دەپ سەنەمىن.
ەدىل جاڭبىرشين,
ءماجىلىس دەپۋتاتى