قازاقستاندا نەكە قيۋدى تىركەۋدىڭ اي سايىنعى مەرزىمىن كۇنتىزبەلىك 15 كۇنگە دەيىن قىسقارتۋ ماسەلەسى قاراستىرىلۋدا, سونداي-اق ءارتۇرلى ومىرلىك جاعدايلاردى ەسكەرە وتىرىپ, مەرزىمدى قىسقارتۋ مۇمكىندىگى ساقتالادى, دەپ حابارلايدى Egemen.kz.
«قولدانىستاعى زاڭناما نورمالارىنا سايكەس, نەكەگە تۇرۋ تۋرالى ءوتىنىش نەكەنى مەملەكەتتىك تىركەۋدەن ءبىر اي بۇرىن بەرىلەدى», دەلىنگەن ادىلەت مينيسترلىگى ءباسپاسوز قىزمەتىنىڭ حابارلاماسىندا.
كوپتەگەن جۇپ ءۇشىن بۇل تىم ۇزاق جانە ونى ازايتۋ ءۇشىن قوسىمشا قۇجاتتاردى تىركەۋ كەرەك. جۇكتىلىك, بالانىڭ تۋى, تاراپتاردىڭ ءبىرىنىڭ ومىرىنە تىكەلەي قاۋىپ ءتونۋى جانە باسقا دا ەرەكشە جاعدايلار سياقتى دالەلدى سەبەپتەر بولعان جاعدايدا نەكەنى تىركەۋ مەرزىمىن ءبىر كۇنگە دەيىن قىسقارتۋعا بولادى. ول ءۇشىن ءتيىستى قۇجاتتاردى, مەديتسينالىق مەكەمەلەردەن, جۇمىس نەمەسە وقۋ ورىندارىنان انىقتامالاردى ۇسىنۋ كەرەك.
كوپتەگەن ەرلى-زايىپتى تىركەۋ ورگاندارىنا جۇگىنگەن كەزدە توي كۇنىن الدىن الا بەلگىلەپ, مەيرامحانالارعا تاپسىرىس بەرەدى, سودان كەيىن عانا نەكەنى تىركەۋگە ءوتىنىش بەرەدى. العاش ۇيلەنگەلى وتىرعان ءارى بالاسى جوق جاستار ءۇشىن قۇجاتتاردان تەك جەكە كۋالىك پەن مەملەكەتتىك باج سالىعىن تولەۋ تالاپ ەتىلەدى.
ايتا كەتەيىك, قازاقستاندا سوڭعى 10 جىلدا تىركەلگەن نەكەلەر سانىنىڭ تۇراقتى ءوسۋى بايقالادى. 2018 جىلى 138 876 نەكە قيىلسا, 2019 جىلى 139 735, 2020 جىلى 129 165, 2021 جىلى 140 762. پاندەميا ىقپال ەتكەندىكتەن 2020 جىلى نەكەگە تۇرۋعا نيەت بىلدىرگەندەر از بولعان.