جاڭاوزەندىك جاس, بولاشاق دارىگەر اسقار ەسكەندىر قىرعىزستان رەسپۋبليكاسىنىڭ بىشكەك قالاسىندا وتكەن «شەكسىز مەديتسينا» جانە «قالىپتى توپوگرافيالىق اناتوميا» اتتى حالىقارالىق وليمپيادادا توپ جاردى. وليمپيادالىق سايىس بيىل 19-21 مامىر ارالىعىندا كلينيكالىق اناتوميا جانە وپەراتيۆتى حيرۋرگيا عىلىمدارى بويىنشا ءوتىپ, حالىقارالىق وليمپياداعا قازاقستان, قىرعىزستان, وزبەكستان مەملەكەتتەرىنىڭ جاستارى قاتىسقان.
جاڭاوزەندىك اسقار ەسكەندىر – مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىنىڭ جالپى مەديتسينا فاكۋلتەتىنىڭ 3-كۋرس ستۋدەنتى. حالىقارالىق عىلىم بايگەلەرىندە قازاقستاننىڭ اتىن قورعاپ جۇرگەن جاڭاوزەندىك جاس بۇعان دەيىن ب.ن.ەلتسين اتىنداعى قىرعىز-رەسەي-سلاۆيان ۋنيۆەرسيتەتىندە وتكەن «شەكسىز مەديتسينا» حالىقارالىق وليمپياداسىنان «ۇزدىك ۆيدەوۆيزيتكا جانە كوماندا پرەزەنتاتسياسى» كونكۋرسى بويىنشا I ورىن, ي.ك.احۋنباەۆ اتىنداعى قىرعىز ۇلتتىق مەديتسينا اكادەمياسىندا وتكەن «قالىپتى جانە توپوگرافيالىق اناتوميا» حالىقارالىق وليمپياداسىنان «ۇزدىك ۆيدەوۆيزيتكا جانە كوماندا پرەزەنتاتسياسى» كونكۋرسى بويىنشا I ورىندى قانجىعاسىنا بايلاعان بولاتىن.
اسقار سىندى تالانتتى جاستاردىڭ جەتىستىگى ەل ەرتەڭى ءۇشىن قۋانۋعا مۇمكىندىك بەرەدى.
ماڭعىستاۋ وبلىسى