جامبىل وبلىسى بويىنشا قۇرىلعان 492 رەفەرەندۋم وتكىزۋ ۋچاسكەسى كەستەگە سايكەس جۇمىس اتقارۋدا, دەپ حابارلايدى Egemen.kz.
وڭىردە داۋىس بەرۋگە قۇقى بار ازاماتتاردى داۋىس بەرۋ كۇنى, ۋاقىتى, ورنى تۋرالى حاباردار ەتۋ بويىنشا قاجەتتى شارالار قابىلدانعان. رەفەرەندۋم جۇمىسىنا جەرگىلىكتى تۇرعىندار دا بەلسەندى اتسالىسۋدا.
بۇگىن ساعات 16:00-دەگى مالىمەت بويىنشا, جامبىل وبلىسىندا داۋىس بەرۋشىلەردىڭ سانى 463 مىڭ 410 ادامعا جەتكەن. بۇل داۋىس بەرۋشىلەردىڭ 67,3 پايىزىن قۇرايدى.
سونداي-اق ايماقتاعى 18 رەفەرەندۋم ۋچاسكەسىندە داۋىس بەرۋ اياقتالدى. وبلىستىق سايلاۋ كوميسسياسىنىڭ توراعاسى سەرعالي ايداپكەلوۆتىڭ ايتۋىنشا, بۇل وبلىس اۋماعىنداعى اسكەري بولىمدەردەگى, اۋرۋحانالار مەن ەمدەۋ ورتالىقتارىندا ورنالاسقان ۋچاسكەلەر بولىپ تابىلادى.