ەرتەڭ, 19 ءساۋىر كۇنى استانادا جامبىل وبلىستىق دراما تەاترىنىڭ گاسترولى باستالادى. بۇل تۋرالى egemen.kz ءتىلشىسى حابارلادى.
جامبىلدىق ونەر مايتالماندارىنىڭ بۇل ساپارى 22 ساۋىردە اياقتالادى. ول ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ساحناسىندا اشىلادى. وسىندا 21 ءساۋىر كۇنى بەلگىلى قالامگەر شەرحان مۇرتازانىڭ «دومالاق انا» سپەكتاكلى قويىلادى.
ادامعا دۇنيەدە نە قىمبات؟ وتان قىمبات. ەل قىمبات. قويىلىمنىڭ العا تارتىپ وتىرعان يدەياسى وسىعان سايادى. ەلدىكتى, بىرلىكتى, تاۋەلسىزدىكتى, جالپى وتاننىڭ وت باسىنان باستالاتىنىن وزەكتى اڭگىمەنىڭ ارقاۋىنا اينالدىرۋىمەن وزىق سپەكتاكل بۇگىنگى ۇرپاقتىڭ ساناسىنا التىن داندەي اسا قاجەت قۇندىلىق.
ال 22 ساۋىردە بەيبىتشىلىك جانە كەلىسىم سارايىندا «مۋزەي ءتۇنى» اتتى قويىلىمدىق كورىنىستەر ەلوردا تۇنىندەگى جارىق شىراقتاي جانعا جىلۋ سىيلاماق.
قاراشاش توقسانباي.
دەرەككوز: egemen.kz.
فوتو: ww.inform.kz.