نۇر-سۇلتاندا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى-ۇلتتىق ۇلاننىڭ باس قولباسشىسى گەنەرال-مايور ەركىن بوتاقانوۆتىڭ تۇركيا رەسپۋبليكاسى جاندارمەرياسى باس قولباسشىسىنىڭ ورىنباسارى گەنەرال-لەيتەنانت مۇسا چيتيلمەن كەزدەسۋى ءوتتى.
دەلەگاتسيا قۇرامىندا جاندارمەريا وقۋ پولكىنىڭ كومانديرى, پولكوۆنيك مەحمەت چەليك, جاندارمەريا مەكتەبىنىڭ كومانديرى, يەنيفوچا قالاسىنداعى تەرروريزمگە قارسى كوماندوس مەكتەبىنىڭ كومانديرى, پولكوۆنيك احمەت چەتين جانە باس قولباسشىنىڭ اديۋتانتى, سەرجانت-مايور ەرسين گەكسوي بولدى.
ۇلتتىق ۇلاننىڭ باس قولباسشىلىعى قوناقتارعا قۇقىقتىق ءتارتىپ اسكەرلەرىنىڭ قۇرىلۋ جانە قالىپتاسۋ تاريحى, ونىڭ قىزمەتى, قۇرىلىمى جانە اتقاراتىن مىندەتتەرى تۋرالى ايتىپ بەردى. كەزدەسۋ ءوزارا تۇسىنىستىك جانە جىلى شىرايلى اتموسفەراسىندا ءوتتى, وندا تاراپتار ەكىجاقتى قاتىناستاردىڭ كەڭ سپەكترى بويىنشا پىكىر الماستى جانە ىنتىماقتاستىقتى جانداندىرۋ بويىنشا ودان ءارى قادامداردى بەلگىلەدى.
تۇركيانىڭ اسكەري-وقۋ ورىندارىندا ءبىلىم بەرۋ جانە اسكەري كادرلاردى دايارلاۋ سونداي-اق ۇلتتىق ۇلاننىڭ 6 506 اسكەري ءبولىمىنىڭ قاراتاۋ تاۋ-كەن وقۋ ورتالىعى بازاسىندا جاندارمەريا ارنايى ماقساتتاعى بولىمشەلەرى ءۇشىن كۋرستار ۇيىمداستىرۋ سالاسىنداعى ودان ءارى ىنتىماقتاستىق ماسەلەلەرى تالقىلاندى.
سونداي-اق مارتەبەلى مەيمان گەنەرال-لەيتەنانت چيتيل مۇسا باس قولباسشىلىقتىڭ اۋماعىنداعى «دوستىق اللەياسىنا» اعاش وتىرعىزدى.
جۇمىس ساپارى اياسىندا تۇرىك دەلەگاتسياسى الماتى وبلىسىنداعى ۇلتتىق ۇلاننىڭ 5 574 اسكەري ءبولىمىنىڭ ارنايى ماقساتتاعى بولىمشەلەرىنىڭ جاۋىنگەرلىك جانە ادىستەمەلىك دايىندىق ورتالىعىندا بولدى. وندا تۇركيادان كەلگەن اسكەري قىزمەتكەرلەرگە وقۋ ورتالىعىنىڭ جاۋىنگەرلىك مۇمكىندىكتەرى كورسەتىلىپ, ونىڭ نەگىزگى نىساندارى بويىنشا ەكسكۋرسيا جۇرگىزىلدى.
دەلەگاتسيانىڭ ساپارى ەلوردالىق جەدەل بريگادادا جالعاستى, وندا ولار اسكەري قىزمەتشىلەردىڭ ماتەريالدىق-تەحنيكالىق جابدىقتالۋىمەن, تۇرۋ جانە تۇرمىس جاعدايلارىمەن, سونداي-اق اسكەري ءبولىمنىڭ قارۋ-جاراعى مەن جاۋىنگەرلىك تەحنيكاسىنىڭ كورسەتىلىم كورمەسىمەن تانىستى.