حاركوۆ قاقتىعىسى

حاركوۆ مەرى يگور تەرەحوۆ ۆۆس-گە بەرگەن سۇحباتىندا رەسەي اسكەرلەرى ۋكراينانىڭ ەكىنشى ۇلكەن قالاسى ماڭايىنان كەتىپ جاتقانىن ايتقان كورىنەدى. سوڭعى ەكى اپتادا ۋكراينا قا­رۋ­لى كۇشتەرى حاركوۆ وبلى­سىن­داعى بىرنەشە ەلدى مەكەن­دى ازات ەتتى. ءتىپتى كەي باعىت­تا ۋك­راي­نانىڭ مەملە­كەت­تىك شەكاراسىنا دەيىن جەتكەن-ءدى. رەسەي اسكەرى حاركوۆ قالاسىنا كىرگەن جوق, بىراق شاھارعا جاقىنداپ, اۋىر ارتيللەريانىڭ بۇكىل تۇ­رى­­نەن وق جاۋدىردى.

زىمىران سالدارىنان حار­كوۆ قالاسىنىڭ ورتالىق الا­ڭىن­داعى وبلىستىق مەملە­كەت­تىك اكىمشىلىكتىڭ عيماراتى, ۋك­راي­نا­نىڭ ىشكى ىستەر مينيستر­لى­گى مەن قاۋىپسىزدىك قىزمەتىنىڭ كەڭسەلەرى, سونداي-اق قالالىق اكىمدىك عي­ما­­راتى قيراعان. شا­ھارداعى سەۆەرنايا سالتوۆكا تۇرعىن اۋدا­نى ارتيللەريالىق اتقىلاۋدان قات­تى زارداپ شەك­تى. ونداعى ۇي­لەر قيراپ, تۇر­عىنداردىڭ كوپ­شى­لى­گى بوسىپ كەتۋگە ءماجبۇر بولدى.

BBC اگەنتتىگىنە سۇحبات بەرگەن تەرەحوۆتىڭ ايتۋىنشا, ۋكراي­نا قارۋلى كۇشتەرىنىڭ قارسى شابۋىلى باستالعالى بەس كۇن­نەن بەرى حاركوۆتى اتقىلاۋ توقتاعان. وسى ۋاقىت ىشىندە رەسەي ساربازدارى حاركوۆ اۋە­جايى ايماعىندا زىمىران ۇشىرۋعا ارەكەت جاساعان ەكەن. بىراق ونى ۋكراينانىڭ اۋە قورعانىس كۇشتەرى اتىپ تۇسىرگەن.

سونداي-اق قالانى اتقىلاۋ­دىڭ سالدارىنان ترامۆاي پاركى­نىڭ جارتىسىنان استامى جانە 35 شاقىرىم ەلەكتر جەلىسى قيراعان. سوندىقتان قوعامدىق كولىكتەر ءبىراز ۋاقىتقا دەيىن تولىققاندى جۇمىس ىستەي المايدى. مەترو دا توق­تاپ تۇر.

امەريكالىق سوعىستى زەرتتەۋ ينستيتۋتى (ISW) 13 مامىر كۇنى كەشكە جاريالانعان زەرت­تەۋىندە رەسەيلىك اسكە­ري­لەر حاركوۆ تو­ڭى­رەگىندەگى پوزيتسيا­لارىن تولى­عىمەن تاس­تاۋعا شە­شىم قا­بىل­دادى دەپ مالىم­دەدى.

مۇنىڭ باستى سەبەبى رەتىندە ۋكراينا اسكەرىنىڭ قارسى شابۋىلى ءساتتى ءجۇرىپ جاتقا­نىن, دونباستاعى رەسەيلىك بولىمشە­لەر­دى كۇشەيتۋ قاجەتتىگى دەپ ەسەپ­تەيدى. دەگەنمەن رەسەي اس­كەرى ءالى دە حاركوۆ وبلى­سىن­داعى بىرنەشە ماڭىزدى ەلدى مە­كەندى باقىلاۋىندا ۇستاپ وتىر. سول ارقىلى تەمىر جولمەن دونباسس ايماعىنداعى اسكەرىن قام­تاماسىز ەتپەك. سونىمەن قاتار يزيۋم باعىتى دا اسا ما­ڭىزعا يە.

ۋكراينا پرەزيدەنتى كەڭسەسى باسشىسىنىڭ كەڭەسشىسى الەكسەي ارەستوۆيچ سەنبى كۇنى YouTube-تەگى فەيگين-Live ارناسىنا بەرگەن سۇحباتىندا ۋكراين كۇش­تە­رى يزيۋم باعىتىندا قارسى شابۋىلعا شىققانىن حابارلادى. 

وتكەن جۇمادا ۋكراينا تاراپى دونباسستا وزەننەن وتپەك بولعان رەسەيدىڭ بروندى كولون­ناسىن قيراتقانىن مالىم­دە­دى. رەيتەر اگەنتتىگىنىڭ حابارلاۋىنشا, ۋكراينانىڭ اۋە-شابۋىل­داۋشى اسكەرلەرىنىڭ قولباس­شى­لى­عى تاراتقان كادر­لاردا ورتەنىپ كەتكەن ونداعان بروندى كولىك پەن سۋعا باتقان پونتون كوپىرى كورسەتىلگەن. سونداي-اق قيراپ قال­عان وندا­عان تانك, بروندى كو­لىك پەن ءتۇرلى اسكەري تەحنيكا بار.

ايتسە دە, ساراپشىلار حار­كوۆ ماڭىنداعى سوعىس اياقتالدى دەپ ەسەپتەمەيدى. رەسەي تارا­پى بۇل قالاعا تاعى دا شا­بۋىل جاساۋى مۇمكىن. سون­دىق­­تان ۋكراينا تاراپى شاھار تۇر­­عىندارىن بوساڭسىماۋعا شاقىرىپ وتىر.