ەلوردالىق قحا «قامقور» قايىرىمدىلىق اكتسياسىن باستادى

ەلوردالىق اسسامبلەيا جۇمىسىنىڭ ماڭىزدى باعىتتارىنىڭ ءبىرى قايىرىمدىلىقتى دامىتۋ بولىپ سانالادى.

ەتنومادەني بىرلەستىكتەردىڭ مۇشەلەرى ءداستۇرلى تۇردە بارلىق قايىرىمدىلىق اكتسيالارىنا قاتىسادى, كوپبالالى جانە الەۋمەتتىك از قامتىلعان وتباسىلارعا, جالعىز باستى ادامدارعا, مۇمكىندىگى شەكتەۋلى بالالارعا, سوعىس ارداگەرلەرى مەن تىل ەڭبەككەرلەرىنە تۇراقتى كومەك كورسەتەدى.اتالعان اكتسيا قازاقستان رەسپۋبليكاسى قارۋلى كۇشتەرىنىڭ 30 جىلدىعىنا جانە ۇلى جەڭىستىڭ 77 جىلدىعىنا ورايلاستىرىلعان.

اكتسيانى ۇيىمداستىرۋشىلاردىڭ ءبىرى, «ۆايناح» شەشەن-ينگۋش ەتنومادەني بىرلەستىگىنىڭ توراعاسى باشير سولسانوۆ ارىپتەستەرىنىڭ قاشاندا قولداۋ كورسەتۋگە دايىن ەكەنىن ءبىلدىردى.

ء«بىز سىزدەردەن دوستىقتى, ءپاتريوتيزمدى, وتانعا دەگەن سۇيىسپەنشىلىكتى ۇيرەنەمىز, باتىلدىقتارىڭىزعا باس يەمىز. سىزدەردىڭ ەرلىكتەرىڭىزدى قاشاندا ماقتان تۇتامىز!» - دەدى باشير ۋماتگەرەەۆيچ.

ۇلى وتان سوعىسى جانە تىل ارداگەرلەرىن قولداۋعا باعىتتالعان اكتسيا بارىسىندا 60 وتباسىعا ازىق-ت ۇلىك سەبەتى تاپسىرىلدى.ءوز كەزەگىندە كومەك العان وتباسىلار وسى اكتسيانىڭ ۇيىمداستىرۋشىلارى مەن دەمەۋشىلەرىنە العىستارىن ءبىلدىرىپ, ولارعا دەنساۋلىق, اماندىق جانە ىستەرىنە تابىس تىلەدى.

قايىرىمدىلىق پەن مەيىرىمدىلىك, ءوزارا قۇرمەت – قازاقستان حالقى اسسامبلەياسىنىڭ باستى ۇستانىمى. دوستىق ۇيىندەگى «پاراسات» قايىرىمدىلىق قىزمەتىن ۇيلەستىرۋ ورتالىعى ەتنومادەني بىرلەستىكتەردىڭ كاسىپكەرلەرىمەن بىرلەسە وتىرىپ, مۇقتاج جاندارعا قاجەتتى كومەك كورسەتۋ باعىتىندا تۇراقتى جۇمىس ىستەۋدە.

ايتا كەتەيىك, 2021 جىلى «قايىرىمدى ىستەر مارافونى», «30 قايىرىمدى ءىس» اكتسيالارى اياسىندا 55 قايىرىمدىلىق اكتسياسى وتكىزىلدى, 5800 ادام جالپى سوماسى 36 ملن تەڭگەگە كومەك الدى.

بيىل جىل باسىنان بەرى 11 قايىرىمدىلىق اكتسياسى وتكىزىلىپ, 3000 وتباسىعا جالپى سوماسى 11 ملن 200 مىڭ تەڭگەگە كومەك كورسەتىلدى.ايتا كەتەيىك, بۇعان دەيىن ەلوردالىق اسسامبلەيا ەرىكتىلەرى «جىلى جۇرەك, ىزگى تىلەكتەر!» ەلوردالىق قحا مۇشەلەرى ەمدەلۋگە مۇقتاج بالالاردىڭ ەمىنە قارجىلاي كومەك كورسەتتى.