پرەمەر-مينيستر ءاليحان سمايىلوۆ عاسىر جاساعان ۇوس ارداگەرىن جەڭىس كۇنىمەن قۇتتىقتادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
سولتۇستىك قازاقستان وبلىسىنا جۇمىس ساپارىمەن بارعان قر پرەمەر-ءمينيسترى ءاليحان سمايىلوۆ جاقىندا 100 جاسقا تولعان مەرەيتويىن اتاپ وتكەن ۇلى وتان سوعىسىنىڭ ارداگەرى ۆالەنتينا ۆولكوداۆپەن كەزدەسىپ, ونى الداعى جەڭىس كۇنى مەرەكەسىمەن قۇتتىقتادى.
ء«سىز – اتى اڭىزعا اينالعان جەڭىمپازداردىڭ ءبىرىسىز. تاباندىلىق, قايسارلىق پەن ءور رۋحتىڭ ارقاسىندا ءسىز ادامزاتتىڭ باعا جەتپەس قۇندىلىعى – ەركىندىكتى قورعاپ قالدىڭىز. بۇگىندە قازاقستاندىقتار بەيبىت اسپان استىندا ەڭبەك ەتىپ, جەتىستىكتەرىنە قۋانىپ, بولاشاعىنا زور سەنىممەن قاراي الادى. مۇنىڭ بارىنە ۇلى جەڭىس قاھارماندارىنىڭ, سونىڭ ىشىندە ءسىزدىڭ ارقاڭىزدا قول جەتكىزىلدى», دەدى ءاليحان سمايىلوۆ.
پرەمەر-مينيستر ءبىزدىڭ مىندەتىمىز – وسكەلەڭ ۇرپاقتى جوعارى پاتريوتتىق قۇندىلىقتارعا تاربيەلەۋ ەكەنىن اتاپ ءوتتى.
ء«سىزدى قۇتتىقتاي وتىرىپ, ۇلى وتان سوعىسىنىڭ بارلىق باتىرىنا قۇرمەت كورسەتەمىن. زور دەنساۋلىق پەن سارقىلماس كۇش-قۋات تىلەيمىن! ءسىزدىڭ ونەگەلى ءومىر جولىڭىز بەن عيبراتتى عۇمىرىڭىز جاستارىمىزعا ۇلگى بولسىن», دەپ تۇيىندەدى ۇكىمەت باسشىسى.
ايتا كەتەيىك, ۆالەنتينا ۆولكوداۆ 1922 جىلى 22 ناۋرىزدا دۇنيەگە كەلگەن.
1941 جىلعى 1 قازاندا قىزىل اسكەر قاتارىنا شاقىرىلىپ, 1945 جىلعى 20 قازاندا جاۋىنگەرلىك جولىن اياقتادى. 1-ءشى بەلارۋس جانە 1-ءشى ۋكراينا مايداندارىندا سەرجانت اتاعىندا قىزمەت ەتتى. ۆالەنتينا ارحيپوۆنا — 2-دارەجەلى وتان سوعىسى وردەنىنىڭ, «ۆارشاۆانى ازات ەتكەنى ءۇشىن», «بەرليندى العانى ءۇشىن», «ەڭبەك ارداگەرى» جانە باسقا دا مەدالداردىڭ يەگەرى.
1962 جىلدان باستاپ تسەلينوگرادتاعى كەراميكا زاۋىتىندا بۋحگالتەر بولىپ جۇمىس ىستەدى, ال 1992 جىلدان باستاپ پەتروپاۆلدا تۇرادى. زەينەتكەردىڭ ءتورت نەمەرەسى جانە ءۇش شوبەرەسى بار.