دەمەۋشىلەر قازاقستاندىق «استانا» كلۋبىنا ۆتب بىرىككەن باسكەتبول ليگاسىنا قاتىسۋ ءۇشىن بيۋدجەت بولۋدەن باس تارتتى. وسىعان بايلانىستى كوماندا قارجى تاپشىلىعىنا بايلانىستى تۋرنيردەگى ورنىن جوعالتىپ الۋ قاۋپى بار, دەپ حابارلايدى Egemen.kz Metaratings.ru سايتىنا سىلتەمە جاساپ.
«استانا» كاسىبي باسكەتبول كلۋبى «سامۇرىق-قازىنا» ۇلتتىق ءال-اۋقات قورىنىڭ قولداۋىمەن 2011 جىلدىڭ ناۋرىز ايىندا قۇرىلعان. كوماندا قازاقستاننىڭ توعىز دۇركىن چەمپيونى جانە توعىز دۇركىن قازاقستان كۋبوگىنىڭ يەگەرى.
كلۋب ۆتب بىرىككەن ليگاسىندا, قازاقستان چەمپيوناتىندا جانە قازاقستان كۋبوگىندا ونەر كورسەتەدى. 2021/22 ماۋسىمىندا «استانا» ۆتب بىرىككەن ليگاسىنىڭ تۇراقتى ماۋسىمىندا 18 ماتچتىڭ ەكەۋىندە عانا جەڭىسكە جەتىپ, ونىنشى ورىنعا تۇراقتاعان.