2026 جىلعى 9 مامىردا «شىعىستۇستىمەت» جشس ارتەمەۆ شاحتاسىندا جازاتايىم وقيعا بولدى. وندىرىستەگى قايعىلى جاعداي سالدارىنان كومپانيا قىزمەتكەرى قازا تاپتى, دەپ حابارلايدى Egemen.kz.
الدىن الا مالىمەتتەر بويىنشا, جوندەۋ جۇمىستارىن جۇرگىزۋ كەزىندە شاڭ-جەلدەتۋ قىزمەتىنىڭ مەحانيگى شامامەن 9 مەتر بيىكتىكتەن قۇلاپ, قازا بولعان.
اقمولا وبلىسىنداعى ءسۇت زاۋىتىندا جارىلىس بولدى: 2 جۇمىسشى زارداپ شەكتى
قازىرگى ۋاقىتتا جازاتايىم وقيعانىڭ سەبەپتەرى مەن ءمان-جايلارىن انىقتاۋ ءۇشىن ارنايى كوميسسيا قۇرىلدى. ءتيىستى تەرگەۋ امالدارى جۇرگىزىلۋىپ جاتىر.
كومپانيا باسشىلىعى قازا تاپقان قىزمەتكەردىڭ تۋعان-تۋىستارى مەن جاقىندارىنا قايعىرىپ كوڭىل ايتادى. مارقۇمنىڭ وتباسىنا بارلىق ءتيىستى كومەك كورسەتىلەتىنى حابارلاندى.
ەسكە سالايىق, بۇعان دەيىن 27 ساۋىردە «شىعىستۇستىمەت» جشس-ءنىڭ ورلوۆ شاحتاسىندا جازاتايىم وقيعا تىركەلىپ, ءبىر قىزمەتكەر كوز جۇمعانىن جازعان ەدىك.