قازاقستاندا نەگىزگى ۇبت باستالدى

بيىل تەستىلەۋگە قاتىسۋعا 240 مىڭعا جۋىق تالاپكەردەن 446 مىڭنان استام ءوتىنىش تۇسكەن. بۇل وتكەن جىلمەن سالىستىرعاندا (399 مىڭ ءوتىنىش) سۇرانىستىڭ ايتارلىقتاي ارتقانىن كورسەتەدى.

تالاپكەرلەردىڭ باسىم بولىگى مەملەكەتتىك تىلدە سىناق تاپسىرۋدى ءجون كورگەن:

قازاق تىلىندە – 74%; ورىس تىلىندە – 26%-عا جۋىعى; اعىلشىن تىلىندە – 851 ادام.

ۇلتتىق تەستىلەۋ ورتالىعىنىڭ ديرەكتورى نۇرسەيىت بايجانوۆتىڭ ايتۋىنشا, ەڭ تانىمال پاندەر كومبيناتسياسى وزگەرىسسىز قالدى. تۇلەكتەردىڭ 17,9%-ى – «ماتەماتيكا-فيزيكا» جۇبىن تاڭداعان. ودان كەيىنگى ورىندا «بيولوگيا-حيميا» (14,5%) جانە «شىعارماشىلىق ەمتيحان» (12,4%) تۇر.

مينيستر ۇبت-عا قاتىستى جاڭاشا وزگەرىستەردىڭ قانداي بولاتىنىن جاريالادى

2026 جىلى تەستىلەۋ فورماتىندا ەلەۋلى وزگەرىستەر جوق. تالاپكەرلەر 5 ءپان بويىنشا 120 سۇراققا جاۋاپ بەرەدى:

قازاقستان تاريحى – 20 تاپسىرما; وقۋ ساۋاتتىلىعى – 10 تاپسىرما; ماتەماتيكالىق ساۋاتتىلىق – 10 تاپسىرما; ەكى بەيىندىك ءپان – ارقايسىسىنان 40 تاپسىرما.

ماكسيمالدى بالل – 140. تەستىلەۋ ۋاقىتى – 4 ساعات (240 مينۋت), ال ەرەكشە ءبىلىم بەرۋ قاجەتتىلىكتەرى بار بالالار ءۇشىن قوسىمشا 40 مينۋت بەرىلەدى.

ۇلتتىق جوعارى وقۋ ورىندارىنا ءتۇسۋ شەكتى بالى – 65 بالل, باسقا جوو-نا 50 بالل, «پەداگوگيكالىق عىلىمدار» ءبىلىم بەرۋ سالاسى بويىنشا – 75 بالل, «دەنساۋلىق ساقتاۋ» ءبىلىم بەرۋ سالاسى بويىنشا – 70 بالل, «قۇقىق» دايارلاۋ باعىتى بويىنشا – 75 بالل.

ۇبت فورماتى وزگەرەدى: ەندى تالاپكەرلەر ءبىر-اق رەت تەست تاپسىرادى

بيىل دا قاۋىپسىزدىك شارالارى قاتاڭ. مەتالل ىزدەگىشتەر, بايلانىس سيگنالدارىن باساتىن قۇرىلعىلار جانە بەينەباقىلاۋ قولدانىلادى. ماڭىزدى ەسكەرتۋ: ۇبت اياقتالعاننان كەيىن 31 قازانعا دەيىن بەينەجازبالار قايتا تەكسەرىلەدى. ەگەر تىيىم سالىنعان زات قولدانىلعانى انىقتالسا, ناتيجە دە, گرانت تا جويىلادى.