كوكشەتاۋدا جول تالعامايتىن كولىكتىڭ استىنا ءتۇسىپ, ايەل ادامنىڭ قازا بولۋىنا بايلانىستى پوليتسيا قىلمىستىق ءىس قوزعادى. بۇل تۋرالى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
پوليتسيا دەپارتامەنتى تاراتقان اقپاراتقا سايكەس, قازىرگى ۋاقىتتا قايعىلى وقيعانىڭ بارلىق ءمان-جايىن انىقتاۋ ماقساتىندا ءتيىستى تەرگەۋ امالدارى جۇرگىزىلىپ جاتىر.
استانادا 2 جاسار بالانى كولىك قاعىپ كەتتى
«جول-كولىك وقيعاسى بويىنشا قىلمىستىق ءىس قوزعالدى. تەرگەۋ اياسىندا وقيعانىڭ قالاي بولعانىن انىقتاۋ ءۇشىن قاجەتتى تەرگەۋ ارەكەتتەرى اتقارىلىپ جاتىر», دەپ ناقتىلادى ۆەدومستۆو وكىلدەرى.
بۇعان دەيىن الەۋمەتتىك جەلىلەردە قالاداعى اۋدانداردىڭ بىرىندە بولعان سۇمدىق جاعدايدىڭ ۆيدەوسى تاراعان بولاتىن. بەينەجازبادان جول تالعامايتىن كولىكتىڭ بۇرىلىس جاساۋ كەزىندە ايەلدى قاعىپ كەتكەنىن كورۋگە بولادى. كولىك توقتاعانىمەن, زارداپ شەگۋشى اۋىر تەحنيكانىڭ استىندا قالىپ قويعان. العان جاراقاتتارىنىڭ سالدارىنان ايەل وقيعا ورنىندا كوز جۇمعان.