قازاقستاندىق اندرەي گولۋبەۆ جۇپتىق سىندا ميۋنحەن (گەرمانيا) ATP 250 ءتۋرنيرىنىڭ شيرەك فينالىنا شىقتى, دەپ حابارلايدى Egemen.kz.
ا.گولۋبەۆ فرانتسيالىق فابريس مارتەنمەن بىرگە العاشقى اينالىمدا وسى جارىستىڭ 1-راكەتكالارى, توكيو وليمپياداسىنىڭ جانە 2021 جىلعى ۋيمبلدون ءتۋرنيرىنىڭ چەمپيوندارى, حورۆاتيالىقتار نيكولا مەكتيچ – ماتە پاۆيچپەن شەبەرلىك بايقاستى.
قازاقستاندىق-فرانتسيالىق جۇپ ساعات جارىمعا جۋىق ۋاقىتقا سوزىلعان ماتچتا 6:4, 7:5 ەسەبىمەن جەڭىسكە جەتتى. ولار 1 ەيس جاساپ, 5 برەيك-پوينتتىڭ ۇشەۋىن پايدالاندى.
ا.گولۋبەۆ پەن ف.مارتەن جالپى جۇلدە قورى 600 مىڭ ەۋروعا جۋىقتايتىن دودانىڭ جارتىلاي فينالىنا شىعۋ ءۇشىن سەربيالىقتار يۆان جانە ماتەي شابانوۆتارمەن تالاسادى.