قاراعاندى وبلىسى شەت اۋدانىنىڭ ەلدى مەكەندەرىندە 4-تەن 6 مم-گە دەيىن قار جاۋدى, دەپ حابارلايدى Egemen.kz.
سينوپتيكتەردىڭ ايتۋىنشا, بۇل اۋا رايى قۇبىلىسى بۇرىن بولجانعان. اقتوعاي اۋدانىنىڭ وڭتۇستىگىندە قاتتى جاڭبىر تۇرىندە جاۋىن-شاشىن بولعاندىقتان, قاراعاندى وبلىسىنىڭ كوپتەگەن وڭىرلەرىندە تەمپەراتۋرانىڭ تومەندەۋى بايقالعاندىقتان, ەكى انتيتسيكلون كەزدەسىپ, قار تۇرىندە جاۋىن-شاشىن پايدا بولدى.
«بۇل بىزگە سولتۇستىك-باتىستان انتيتسيكلون كەلگەندىكتەن بولدى. جاۋىن-شاشىن وڭتۇستىكتەن تسيكلونمەن كەلدى. جىلى جانە سۋىق اۋانىڭ ارالاسۋى كەزىندە قار جاۋدى», دەپ ءتۇسىندىردى «قازگيدرومەت» مەتەورولوگيالىق بولجاۋ ءبولىمىنىڭ باستىعى اناستاسيا گريازنوۆا.
سينوپتيكتەردىڭ ايتۋىنشا, تۇندە تومەن تەمپەراتۋرا 28 ساۋىرگە دەيىن وبلىستىڭ سولتۇستىگىندە ساقتالادى.
«قازىرگى ۋاقىتتا اۋداننىڭ وڭتۇستىك-شىعىسىندا اقادىر, اقشاتاۋ, اقجال, مويىنتى, كيىكتى, بوساعا, ورتاۋ كەنتتەرىندە قار جاۋادى. اۋدان بويىنشا جاعداي تۇراقتى», دەدى شەت اۋدانى اكىمى اپپاراتىنىڭ باس مامانى ولجاس تولەۋباەۆ.
ايانا توعانبەك