سينوپتيكتەر 26, 27 جانە 28 ساۋىرگە ارنالعان اۋا رايى بولجامىن ۇسىندى, دەپ حابارلايدى Egemen.kz.
بولجامعا سايكەس, الداعى كۇندەرى انتيتسيكلون كەلەدى. بۇل - جاۋىن-شاشىننىڭ توقتاۋىنا جانە اۋا ماسسالارىنىڭ بەلسەندى جىلىنۋىنا ىقپال ەتەدى: كۇندىز ەلىمىزدىڭ سولتۇستىگىندە 13-18-دەن 20-25 گرادۋسقا دەيىن جىلى, ورتالىقتا 8-18-دەن 15-23 گرادۋسقا دەيىن جىلى, وڭتۇستىكتە 18-28-دەن 23-30 گرادۋسقا دەيىن جىلى, باتىستا 20-28 گرادۋس جىلى, شىعىستا 10-18 گرادۋس جىلى, ال وڭتۇستىك-شىعىستا 17-25 گرادۋس جىلى بولادى.
«رەسپۋبليكانىڭ باتىسى مەن تاۋلى, تاۋ بوكتەرىندەگى اۋداندارىندا, اتموسفەرالىق فرونتالدىق بولىكتەردىڭ وتۋىنە بايلانىستى نايزاعاي جارقىلداپ, جاڭبىر جاۋادى. ورتالىقتا, شىعىستا جانە تاۋلى ايماقتاردا تۇندە جانە تاڭەرتەڭ تۇمان بولجانادى. قازاقستاننىڭ وڭتۇستىگىندە, وڭتۇستىك-باتىسىندا شاڭدى داۋىل مەن جەل كۇشەيەدى», دەلىنگەن حابارلامادا.