جەكسەنبىگە ارنالعان اۋا رايى بولجامى

قازاقستاننىڭ باسىم بولىگىندە جاۋىن, ال شىعىسىندا جاۋىن قارعا ۇلاسۋى مۇمكىن. سولتۇستىك-باتىستىڭ وڭتۇستىك جارتىسىندا, وڭتۇستىك پەن وڭتۇستىك-شىعىستىڭ تاۋلى اۋداندارىنا قاتتى جاڭبىر جاۋادى. تەك رەسپۋبليكانىڭ سولتۇستىگىندە انتيتسيكلون جاۋىن-شاشىنسىز اۋا رايىن ساقتايدى.

رەسپۋبليكا بويىنشا نايزاعاي, جەلدىڭ كۇشەيۋى, نايزاعاي, باتىستا – تۇمان, وڭتۇستىكتە – داۋىل, بۇرشاق كۇتىلەدى. اقمولا, پاۆلودار وبلىستارىنىڭ وڭتۇستىگىندە جەلدىڭ 15-20 م/س كۇشەيۋى كۇتىلەدى.

الماتى وبلىسىنىڭ تۇندە سولتۇستىگى, باتىسى, تاۋلى جانە تاۋ بوكتەرلى اۋداندارىندا, كۇندىز باسىم بولىگىندە نايزاعاي, تاۋلى, تاۋ بوكتەرلى اۋداندارىندا بۇرشاق, داۋىل, نايزاعاي كەزىندە جەلدىڭ 17-22, الاكول كولدەرى ماڭىندا ەكپىنى 27 م/س كۇشەيۋى كۇتىلەدى.

تۇركىستان وبلىسىنىڭ باسىم بولىگىندە نايزاعاي, داۋىل, تاۋلى اۋداندارىندا بۇرشاق, سولتۇستىگى, باتىسى, تاۋلى جانە تاۋ بوكتەرلى اۋداندارىندا جەلدىڭ 17-22, تاۋ اسۋلارىندا ەكپىنى 25 م/س كۇشەيۋى كۇتىلەدى. باتىس قازاقستان وبلىسىنىڭ باتىسى, سولتۇستىگى, سولتۇستىك-شىعىسىندا تۇمان تۇسەدى.

تۇندە اتىراۋ وبلىسىنىڭ شىعىسى مەن ورتالىعىندا نايزاعاي, تۇندە جانە تاڭەرتەڭ تۇمان كۇتىلەدى. اقتوبە وبلىسىنىڭ شىعىسىندا جەلدىڭ 15-20 م/س كۇشەيۋى, تۇندە نايزاعاي, داۋىل سوعادى.

قوستاناي وبلىسىنىڭ وڭتۇستىگىندە نايزاعاي, جەلدىڭ 15-20, ەكپىنى 23 م/س كۇشەيۋى, سولتۇستىگىندە تۇمان بولادى. قاراعاندى وبلىسىنىڭ باتىسى, وڭتۇستىگى مەن ورتالىعىندا نايزاعاي, تۇندە باتىسى مەن ورتالىعىندا جەلدىڭ 15-20 م/س, كۇندىز باسىم بولىگىندە 15-20, كەي ۋاقىتتاردا ەكپىنى 23 م/س جەتەدى.

شىعىس قازاقستان وبلىسىنىڭ سولتۇستىك جارتىسىندا, وڭتۇستىك-باتىسى مەن وڭتۇستىگىندە جەلدىڭ 15-20, ەكپىنى 25 م/س كۇشەيۋى كۇتىلەدى. قىزىلوردا, جامبىل وبلىستارىندا جاۋىن, نايزاعاي, بۇرشاق, داۋىل سوعىپ, جەلدىڭ جىلدامدىعى 23-28 م/س جەتۋى ىقتيمال.