قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى ماسكەۋگە جۇمىس ساپارىمەن كەلىپ, ونىڭ بارىسىندا رف سىرتقى ىستەر ءمينيسترى سەرگەي لاۆروۆپەن شاعىن جانە كەڭەيتىلگەن قۇرامدا كەلىسسوزدەر وتكىزدى, دەپ حابارلايدى Egemen.kz.
تاراپتار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ جاي-كۇيى مەن پەرسپەكتيۆالارىن تالقىلادى. كۇن تارتىبىندەگى حالىقارالىق ماسەلەلەردىڭ كەڭ اۋقىمى بويىنشا پىكىر الماسىلدى.
وڭىرارالىق جانە شەكارا ماڭى ىنتىماقتاستىعىن نىعايتۋ, وتىن-ەنەرگەتيكا جانە عارىش سالالارىنداعى ءوزارا ءىس-قيمىل جونىندەگى پراكتيكالىق قادامدارعا ەرەكشە نازار اۋدارىلدى.
سونىمەن قاتار, سىرتقى ساياسي ۆەدومستۆولاردىڭ باسشىلارى تمد, ەاەو, ۇقشۇ, شىۇ, اوسشك جانە بۇۇ ينتەگراتسيالىق بىرلەستىكتەرى شەڭبەرىندەگى ىنتىماقتاستىق, ورتالىق ازياداعى تۇراقتىلىق پەن قاۋىپسىزدىكتى قامتاماسىز ەتۋ ماسەلەلەرىن قاراستىردى.
كەزدەسۋ قورىتىندىسى بويىنشا ديپلوماتيالىق قاتىناستاردىڭ ورناعانىنا 30 جىل تولۋىن مەرەكەلەۋ جونىندەگى ءىس-شارالار جوسپارىنا قول قويىلدى.
ودان بولەك, Halyk Bank سبەر كازاحستان بانكتەن 330 ملرد تەڭگەنىڭ ($740 ملن) جەكەلەي كرەديت پورتفەلىن ساتىپ العانى بەلگىلى بولدى. الفا بانكتىڭ "ەنشىلەس" قۇرىلىمىن ساتىپ الۋ تۋرالى دا قازاقستاندىق بانكتەرمەن كەلىسسوزدەر جۇرگىزىلىپ جاتىر.