بۇل تۋرالى ءبىلىم جانە عىلىم ءمينيسترى اسحات ايماعامبەتوۆ سەنات وتىرىسىنان كەيىن تىلشىلەرگە بەرگەن سۇحباتىندا ايتتى, دەپ حابارلايدى Egemen.kz.
«ەكى جىل بۇرىن ەلدەگى 2700 مەكتەپتىڭ دارەتحاناسى دالادا ورنالاسقان ەدى. جالپى مەكتەپتەرىمىزدىڭ سانى 7500 ەكەنىن ەسكەرسەك, بۇل وتە ۇلكەن پايىز. ەكى جىلدا كۇردەلى جۇمىستار جۇرگىزىلدى, قازىرگى ۋاقىتتا 50-گە جۋىق كوشە دارەتحانالارى قالدى. بۇل ۇلكەن پروگرەسس. دەگەنمەن, بۇل وتە قيىن جۇمىس, ويتكەنى سول 2700 مەكتەپتىڭ كوپشىلىگىندە كارىز دە, سۋمەن جابدىقتاۋ دا بولعان جوق. اسىرەسە بۇل ورتالىقتاندىرىلعان كارىزى جوق, سۋى جوق اۋىلدىق ەلدى مەكەندەر ەدى», دەدى اسحات ايماعامبەتوۆ.
ءمينيستردىڭ ايتۋىنشا, كەلەسى وقۋ جىلى باستالعانشا اكىمدىكتەر 50 مەكتەپتەگى دارەتحانا ماسەلەسىن تولىق شەشىپ بەرمەك.