اقمولا وبلىسىندا ىشكى ىستەر دەپارتامەنتىنىڭ باگيرا ەسىمدى ءيتى كەزەكتى قىلمىستى اشۋعا تىكەلەي كومەك كورسەتتى.
وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگى بويىنشا, 7 ءساۋىر كۇنى ساندىقتاۋ اۋداندىق پوليتسياسىنىڭ كەزەكشى بولىمىنە قىزىل قازاقستان اۋىلىنىڭ 25 جاسار تۇرعىنى جەرگىلىكتى زتجمو عيماراتىندا بەلگىسىز بىرەۋلەردىڭ ءسومكەسىنەن اقشا ۇرلاپ كەتكەنى تۋرالى شاعىم تۇسىرگەن. ال ۇرلانعان اقشانىڭ كولەمى 70 مىڭ تەڭگە بولىپ شىقتى.
دابىل نەگىزىندە وقيعا ورنىنا جەدەل جەتكەن پوليتسيا قىزمەتكەرلەرى ىسكە شۇعىل كىرىستى. ولاردىڭ قاتارىنداعى جىلدام تەرگەۋ ءجۇرگىزۋ توبىنىڭ ينسپەكتور-كينولوگى ستارشينا يۆان ميششەنكو ىزدەۋگە باگيرا ەسىمدى ءيتىن قوسىپ جىبەرەدى. ال ءىز كەسكىش يتكە كۇدىكتىنى تابۋعا بىرنەشە مينۋت كەرەك بولعان. ول ۇرلىق جاساعانى اڭعارىلعان تۋچنوە اۋىلىنىڭ 43 جاستاعى تۇرعىنىن ۇستادى.
رۋسلان يگىلىك.