بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ ايتتى, دەپ حابارلايدى Egemen.kz.
«بۇل كورشى ەلدەرمەن جانە تۇتاستاي العاندا كوپتەگەن شەت مەملەكەتتەرمەن سالىستىرعاندا جاقسى جەتىستىك», دەدى اسحات ايماعامبەتوۆ ۇكىمەت وتىرىسىندا.
مينيستر وتاندىق ءبىلىم بەرۋ جۇيەسىنىڭ ساپاسىن جالپى حالىقارالىق رەيتينگتەر بويىنشا باعالاۋعا بولاتىنىن ءتۇسىندىردى.
«ولاردىڭ باسەكەگە قابىلەتتىلىگى وتە جوعارى دەپ ايتا الامىن. مىسالى, ەگەر كوللەدجدەر بويىنشا WorldSkills چەمپيوناتىنىڭ قورىتىندىلارىن قارايتىن بولساق, وندا قازاقستان 60-تان استام قاتىسۋشى ەلدەردىڭ اراسىندا 50-ورىننان 14-ورىنعا دەيىن كوتەرىلدى. كورىپ وتىرعاندارىڭىزداي, جاقسى ديناميكا بار», دەدى اسحات ايماعامبەتوۆ.
2016 جىلى QS حالىقارالىق رەيتينگىسىندە بارلىعى 8 ۋنيۆەرسيتەت, بۇگىنگى تاڭدا قازاقستاننان 14 جوو بولعانى اتاپ ءوتىلدى.
بۇعان دەيىن حابارلانعانداي, قازاقستاندا يننوۆاتسيالىق ءبىلىم بەرۋ باعدارلامالارى ەنگىزىلۋدە.
ايانا توعانبەك