بۇگىن دەنساۋلىق ساقتاۋ ءمينيسترى اجار عينيات سولتۇستىك قازاقستان وبلىسىنا جۇمىس ساپارى بارىسىندا قازاقستاندىق جانە شەتەلدىك ازاماتتاردىڭ شەكارادان ءوتۋ تارتىبىمەن جانە كارانتين رەجيمىن ساقتاۋمەن تانىسۋ ماقساتىندا «قاراقوعا» شەكارا بەكەتىندە بولدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
مينيستر قازاقستانداعى تۇراقتى ەپيدەميولوگيالىق جاعدايدى ساقتاۋ ماقساتىندا COVID-19 اۋرۋىنىڭ ىقتيمال وسۋىنە دايىندىق جانە كارانتيندىك شارالاردى ساقتاۋ قاجەتتىلىگى ماسەلەلەرىن كوتەردى.
سانيتارلىق-ەپيدەميولوگيالىق باقىلاۋ دەپارتامەنتى قىزمەتكەرىنىڭ مالىمەتتەرى بويىنشا, شەكارادان وتكەن 100 ادامعا رەۆاكتسيناتسيانىڭ بولماۋىنا بايلانىستى شامامەن 3-4 ادام ۆاكتسيناتسيا مەن تىكەلەي پوستتا پتر تەست تاپسىرادى.
ەپيدەميولوگيالىق جاعدايدىڭ تۇراقتانۋىن ەسكەرە وتىرىپ, قر اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا اعىمداعى جىلدىڭ 11 ساۋىرىنەن باستاپ رەسەي فەدەراتسياسىمەن, وزبەكستان جانە قىرعىزستان رەسپۋبليكالارىمەن قۇرلىقتاعى وتكىزۋ پۋنكتتەرىندە قر ازاماتتارى, ازاماتتىعى جوق ادامدار جانە شەتەلدىكتەر قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ بويىنشا شەكتەۋلەردى الىپ تاستاۋ تۋرالى شەشىم قابىلدادى.