مەملەكەت باسشىسى قاسىم-جومارت توقاەۆ اوسشك حاتشىلىعىنىڭ اتقارۋشى ديرەكتورى قايرات سارىبايدى قابىلدادى, دەپ حابارلايدى Egemen.kz اقورداعا سىلتەمە جاساپ.
مەملەكەت باسشىسىنا ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ قازىرگى جۇمىسى تۋرالى مالىمەت بەرىلدى. بيىلعى 12-13 قازاندا قازاقستان استاناسىندا وتەتىن اوسشك-ءنىڭ VI سامميتىنە دايىندىق بارىسىنا باسا ءمان بەرىلدى.
كەزدەسۋدە اوسشك-ءنى ازياداعى ىنتىماقتاستىق جونىندەگى تولىققاندى حالىقارالىق ۇيىمعا اينالدىرۋدىڭ پەرسپەكتيۆالارى تالقىلاندى. وسى ماڭىزدى مىندەتتى جۇزەگە اسىرۋ – قازاقستان توراعالىعىنىڭ باسىمدىعى.
قايرات سارىباي قاسىم-جومارت توقاەۆقا سامميت قارساڭىندا كەڭەسكە مۇشە مەملەكەتتەردىڭ سىرتقى ىستەر ۆەدومستۆولارىنىڭ باسشىلارىمەن وتكىزگەن كەزدەسۋلەرى تۋرالى باياندادى.
سونىمەن قاتار ديپلومات ۇيىمنىڭ جۇمىسىنداعى ەكونوميكالىق ولشەمدى جانداندىرۋ ماسەلەسىنە توقتالىپ, جاستار كەڭەسىنىڭ وتىرىسىن, سونداي-اق ماۋسىم ايىنا جوسپارلانعان «Astana Financial Days» حالىقارالىق كونفەرەنتسياسى اياسىندا اوسشك ىسكەرلىك كەڭەسى مەن بيزنەس فورۋمىن وتكىزۋگە قولداۋ كورسەتكەنى ءۇشىن پرەزيدەنتكە العىس ءبىلدىردى.
مەملەكەت باسشىسى قازاقستاننىڭ اتالعان كەڭەسكە توراعالىعىنىڭ باسىمدىقتارىن ءتيىمدى جۇزەگە اسىرۋدىڭ ماڭىزدى ەكەنىن اتاپ ءوتتى. سونداي-اق الداعى سامميت ناتيجەسى بويىنشا قابىلداناتىن قورىتىندى قۇجات جوباسىن مۇقيات ازىرلەۋ قاجەتتىگىن ايتتى.