پرەمەر-مينيستر ءاليحان سمايىلوۆ جەر قويناۋىن پايدالانۋعا ارنالعان كەلىسىمشارتتاردى ۇزارتۋعا جانە ۋران ءوندىرۋشى كاسىپورىندار قىزمەتكەرلەرىنىڭ جۇمىس ورىندارىن ساقتاۋعا قاتىستى دەپۋتاتتىق ساۋالعا جاۋاپ بەردى, دەپ حابارلايدى Egemen.kz.
قازاقستان رەسپۋبليكاسىنىڭ «جەر قويناۋى جانە جەر قويناۋىن پايدالانۋ» تۋرالى كودەكسىندە ۋران ءوندىرۋدى رەتتەيتىن جانە ۋران وندىرۋگە جەر قويناۋىن پايدالانۋ قۇقىعىن بەرۋ جانە توقتاتۋ ەرەكشەلىكتەرى قاراستىرىلعان», دەدى ءا. سمايىلوۆ ءوز جاۋابىندا .
سونىمەن قاتار ونىڭ ايتۋىنشا, كودەكس نورمالارىن قولدانۋ اياسىندا ۋران ءوندىرۋ كەزەڭىن ۇزارتۋ جانە بارلاۋ كەزەڭىنەن ءوندىرۋ كەزەڭىنە ءوتۋ شارتتارى سياقتى ماسەلەلەردە بىرقاتار كەمشىلىك انىقتالدى.
«بۇدان باسقا كودەكستىڭ وتپەلى ەرەجەلەرىندە كودەكس قولدانىسقا ەنگىزىلگەنگە دەيىن جاسالعان كەلىسىمشارتتار ءۇشىن ءوندىرۋ كەزەڭىن ۇزارتۋدى كوزدەيتىن نورما جوق. قازىرگى ۋاقىتتا ەنەرگەتيكا مينيسترلىگى «قازاتومونەركاسىپ «ۇاك» اق-مەن بىرلەسىپ كودەكسكە تۇزەتۋلەردىڭ ءتيىستى پاكەتىن ازىرلەدى, ونى قابىلداۋ الەۋمەتتىك-ەكونوميكالىق ماسەلەلەردى, ونىڭ ىشىندە ۋران ءوندىرۋشى كاسىپورىندار بويىنشا جەر قويناۋىن پايدالانۋعا ارنالعان كەلىسىمشارتتاردى ۇزارتۋ ماسەلەسىن شەشۋگە مۇمكىندىك بەرەدى. اتالعان تۇزەتۋلەر بيىل ۇكىمەتتىڭ زاڭ شىعارۋ قىزمەتى شەڭبەرىندە قارالادى», دەپ تۇيىندەدى پرەمەر-مينيستر.
ايانا توعانبەك