عاسىرمەن قۇرداس قارياعا وپەراتسيا جاسادى

«قالقامان» شاعىن اۋدانىن­دا­عى №7 اۋرۋحانانىڭ قابىلداۋ بولىمشەسىنە 1922 جىلى تۋعان ناۋقاس جەدەل جاردەممەن كەلگەن. ورىن اجەي ۇيىندە قۇلاپ, جاراقات الىپ, جاق جامباس بۋىنى اۋىرعاننان كەيىن اۋرۋحاناعا جەتكىزىلگەن. دارىگەرلەر دەرەۋ دياگنوستيكالىق زەرتتەۋلەردى جۇرگىزىپ, سول جاقتاعى سان سۇيە­گى­نىڭ مويىن بولىگى ىشتەن سىنىپ, ورنىنان جىلجىعانىن انىقتايدى. وسىدان كەيىن پاتسيەنت­تىڭ اياق-قولداردى بۇ­گۋ­گە, بوساتۋعا كەلمەي, سىن­عان جاق بولىگى قاتتى اۋىر­تىپ تۇر­عاندىقتان, شۇعىل حي­رۋر­­گيا­لىق وتا جاساۋعا شە­شىم قا­بىل­دا­نادى. ادەتتە, ەگدە جاس­تا­عى ادامداردىڭ فە­مو­رال­دى مو­يىن سۇيەگى سىن­عان كەزدە كون­سەر­ۆاتيۆتى ەم كو­مەك­تەس­پەيدى.

دارىگەرلەر ناۋقاستىڭ جاسى ۇلعايعانىن, باسقا دا اۋرۋ­لا­رى­نىڭ بار ەكەندىگىن ەسكەرە وتىرىپ, كارديولوگ, ينتەرنيست, انەس­تەزيولوگتەرمەن بىرگە كەڭەسەدى. وپە­راتسيالىق بريگاداداعى تراۆ­ماتولوگتەر ر.اسكەروۆ, ب.وتە­شەۆ, انەستەزيو­­­لوگ-رەانيماتولوگ م.داتباەۆ پەن مەدبيكە ج.تولەنوۆا وسى وتانى ءساتتى وتكەرۋگە ءبىر كىسىدەي اتسالىسىپ, سول جاق جامباس بۋىنىنا Strayker پروتەزىمەن توتالدى تسەمەنتسىز ارتروپلاس­تيكاسى جاسالىندى. مەديتسينا ماماندارى وپەراتسيا جوعارى دەڭ­گەيدە وتكەنىن, وسى­لايشا №7 اۋرۋحانانىڭ دارى­گەرلەرى عاسىر جاساعان پا­تسيەنت­تى اياعىنا تۇر­عىز­عانىن ايتادى.

تراۆماتولوگ-دارىگەر باۋىر­جان وتەشەۆ ءساتتى اتقا­رىل­عان وتا ناۋقاستى بىردەن شيراتىپ, ەكىنشى كۇنى ورىن اجەي جان­ساق­تاۋ بولىمىنەن پولي­تراۆ­ما بو­لىمشەسىنە اۋىستى­رىل­عانىن جەتكىزدى.

ەڭ قىزىعى, دارىگەرلەر 100 جاستاعى ناۋقاستىڭ سۇيەك تىندەرى جاسىنا سايكەس كەلمەيتىنىن, مينەرالدى تىعىزدىعى جوعارى, بۇل 50 ءارى كەتسە 60 جاستاعى ادام­دارعا ءتان ەكەندىگىن ايتادى.

ورىن اجەيدىڭ قىزى وسى­نىڭ بارلىعى الدىمەن تاڭەر­­تەڭگى گيمناستيكا مەن گيگيە­نا­لىق تازالىقپەن باستالاتىن اناسىنىڭ كۇندەلىكتى ءومىر سال­تى­نىڭ ارقاسىندا ەكەندىگىن جەتكىزدى. ءبىر جاعىنان دۇرىس تاماق­تانا ءبىلۋ دە وڭ اسەر ەتەدى. ول كىسى تەك قولدان ۇيدە پىسى­رىل­­­گەن ازىق-ت ۇلىكتى از-ازدان, بەل­گىلى ءبىر ۋاقىتتا عانا جەيدى. قۋى­رىلعان تاعامدارعا جولامايدى, ايران-ءسۇتتى كوبىرەك ىشەدى. ايتقانداي, ول 10 بالانى دۇنيەگە اكەلىپ, ءبىراز نەمەرە, شوبەرەنىڭ قىزىعىن كورىپ, 6 شوپشەك سۇيگەن باقىتتى اجە.

قازىرگى ۋاقىتتا ناۋقاستىڭ جاع­دايى بىرقالىپتى, ءوزىن جاق­سى سەزىنەدى. «توسەككە تاڭى­لىپ قالماعانىم ءۇشىن ءبىرىن­شى اللاعا شۇكىر! ودان كەيىن دارىگەرلەرگە مىڭ العىس! انەس­­تەزيانى جەڭىل كوتەردىم. شا­ما­سى, زاماناۋي پرەپاراتتار جاقسى ءارى دارىگەرلەردىڭ ما­عان دەگەن قامقورلىعى وتە ۇلكەن بولدى. ولارعا وتە ريزامىن. قازىر جاعدايىم جاقسى», دەيدى عاسىر جاساعان ورىن بايجومارتوۆا.

الماتى