«باتىل تويتارىس-2022» وقۋ-جاتتىعۋى ءوتىپ جاتىر

قورعانىس ءمينيسترى جىلجى­مالى باسقارما پۋنكتىنەن ۇلت­تىق قاۋىپسىزدىك كوميتەتى, ىشكى ىستەر جانە توتەنشە جاعدايلار مي­نيسترلىكتەرى لاۋازىمدى ادام­دارىنىڭ وقۋ-جاتتىعۋ شەڭبەر­ىن­دە وتكىزىلەتىن ءىس-شارالار تۋرالى اقپاراتتارىن تىڭدادى.

وڭىرلىك قولباسشىلىقتار مەن دەسانتتىق-شابۋىلداۋ اس­­كەر­لەرىنىڭ قولباسشىلارى وزدەرىنىڭ باسقارۋ پۋنكتتەرىنەن قاۋىپتى باعىتتاردا توپتار قۇرۋ جانە قويىلعان وقۋ-جاۋىنگەرلىك مىندەتتەر تۋرالى باياندادى. ولاردىڭ ورىندالۋ بارىسى باس شتابتىڭ جىلجىمالى باسقارۋ پۋنكتىنە ۇشقىشسىز ۇشۋ اپپاراتتارى ارقىلى كورسەتىلدى.

ارنايى وپەراتسيالار كۇش­تەرىنىڭ قولباسشىسى ارنايى مىن­دەتتەردى ورىنداۋعا تارتىلاتىن بولىمشەلەردى قولدانۋ ءتارتىبىن باياندادى. گەنەرال-لەيتەنانت ر.جاق­سى­لىقوۆ وقۋ-جاتتىعۋدىڭ نەگىزگى ماق­ساتى پرە­زيدەنت ق.ك.توقاەۆتىڭ كۇش­تىك قۇرىلىم­داردى ءتيىمدى ۇيلەس­تىرۋدى قامتاماسىز ەتۋ, ولار­­دىڭ جەدەل جانە اسكەري-تەح­ني­كالىق ۇيلەسىمدىلىگىن جولعا قويۋ جو­نىندەگى تاپسىرماسىن ىسكە اسى­رۋ بولىپ تابىلاتىنىن اتاپ ءوتتى.

وسىعان بايلانىستى قور­عانىس ءمينيس­ترى باسقارۋ ورگان­دارىنىڭ جاۋىن­گەرلىك جۇ­مى­سىن ۇيىمداستىرۋ جانە اسكەر­لەردىڭ ارنايى اسكەري وپەراتسيالار بارىسىنداعى تاپسىرمالاردى ورىنداۋى, سونداي-اق جان-جاقتى قامتاماسىز ەتۋ ماسەلەلەرى جونىندە نۇسقاۋلار بەردى.

بۇدان بۇرىن حابارلاعانى­مىزداي, «باتىل تويتارىس-2022» كەشەندى ۆەدومستۆو­ارالىق سترا­تەگيالىق كوماندا­لىق-شتابتىق وقۋ-جاتتىعۋى اقتوبە, الماتى, اتىراۋ, جامبىل, قىزىلوردا, ماڭعىستاۋ, تۇركىستان وبلىس­تارىنىڭ, سونداي-اق الماتى جانە شىمكەنت قالا­لارىنىڭ اۋماعىندا ءوتىپ جاتىر.

جاتتىعۋلارعا قارۋلى كۇش­تەردىڭ, باسقا دا اسكەرلەر مەن اس­كەري قۇرالىم­داردىڭ قۇرا­ما­لارى مەن بولىمدەرى, ورتا­لىق مەملەكەتتىك جانە جەرگىلىكتى اتقا­رۋشى ورگاندار جۇمىلدىرىلعان. وقۋ-جاتتىعۋلار 16 ساۋىرگە دەيىن جال­عاسادى.