ۇلاندىقتار العىسقا بولەندى

«وڭتۇستىك» وڭىرلىك قول­باس­­شىلىعىنىڭ اسكەري بو­لىم­دەرى 4 جوعالعان بالانى تاپسا, «شىعىس» – 2, «ورتالىق» – 3, «باتىس» 3 كامەلەتكە تولماعان جەت­كىن­شەكتى اتا-انالارىمەن امان-ەسەن قاۋىشتىرعان. جوعالعان بالالاردىڭ كوپ­شى­لىگىن ەلوردالىق 5573 اس­كەري ءبولىمىنىڭ اسكەري قىز­مەتشىلەرى تاپقان. ولار 10 بالانىڭ ەسەن-امان وتباسىنا ورالۋىنا سەبەپكەر بولعان.

وتكەن جىلى ەلوردادا تىركەلگەن سوڭعى وقيعانى الايىق. پاترۋلدىك توپ­تىڭ باستىعى كىشى سەر­جا­نت ازامات كارىموۆ پەن قا­تار­­دا­عى جاۋىنگەر سۇڭعات­ جۇكەنوۆ 6 قازان كۇنى كەشكە مارشرۋتتاردى تەك­­س­ەرۋگە شىعادى. قو­ناەۆ-دوستىق كوشە­لە­رىنىڭ قيىلى­سىن­دا­عى باعدار­شا­معا كەلگەندە ولار جال­عىز ءوزى جۇرگەن مەكتەپ وقۋشىسىن كورەدى. وقۋشى «بايتەرەك» مونۋ­مەنتىنىڭ جانىندا ۇل­كەن­دەردىڭ قاراۋىنسىز جال­عىز قالىپ قويعان كو­رى­نە­دى. اداسىپ كەتىپ, قات­تى قو­بال­جىپ تۇرعان بالا ءوزىنىڭ ناقتى قايدا تۇرا­تى­نىن دا ايتا الماعان. سوندىقتان ۇلاندىقتار ونى جاقىندا ورنالاسقان تۋريستىك پوليتسيا بەكەتىنە اپارادى.

كەيىننەن سەگىز جاسار وقۋ­شىنىڭ اتا-اناسى ونى ساعات 16.00-دەن باس­تاپ الەۋمەتتىك جەلىلەر ارقىلى ىزدەي باستاعانى بەلگىلى بولادى. قالانىڭ قالىڭ ءنوپىرىنىڭ ىشىندە اداسىپ كەتكەن بالا ءبىرىنشى سىنىپتا وقيدى ەكەن. سول كۇنى وقۋشى اعاسىن مەكتەپ جانىندا كۇتپەستەن ءوز بەتىنشە ەرتەرەك كەتىپ قال­عان كورىنەدى.

وقيعا ورنىنا كەلگەن اناسى مەن اكەسى ۇلدارىنىڭ امان-ەسەن تابىلعانىنا قۋانىپ, ۇلتتىق ۇلاننىڭ اسكەري قىزمەتشىلەرىنە العىستارىن ءبىلدىردى.

ءدال سول كۇنى كەشكىسىن قوشقارباەۆ كوشەسىنىڭ بو­يىندا قۇرامىندا قاتار­دا­عى جاۋىنگەر مۇرات قار­­جاۋوۆ پەن پاترۋل­دىك الپامىس ءنابي مەن سارجان قىلىش­باي بار اسكەري جاساق 10 جاسار قىز­دى بايقاپ قالادى. بالدىرعان قوسىمشا ساباق­تان شىققاننان كەيىن جولدان اداسىپ قالعان. ءتار­تىپ ساقشىلارى قىزدىڭ اكەسى­نىڭ تەلەفون ءنومىرىن انىق­تاپ, حابارلاسىپ, وز­دە­رى تۇرعان جەردى ايتادى.

ءبىراز ۋاقىتتان كەيىن ازامات ايتىلعان مەكەن­جايعا كەلىپ, اسكەري قىز­مەت­شى­لەرگە, سونداي-اق ۇلتتىق ۇلاننىڭ 5573 اسكەري ءبولى­مى­نىڭ قولباسشىلىعىنا ال­عى­سىن ءبىلدىردى.

«بالالاردىڭ جوعالۋ دەرەگى كوبىنە جازدا ءجيى كەز­دەسەدى. اسىرەسە, قالالىق ساياباقتاردا, مەرەكە ورىندارىندا, وتباسىلىق دەمالىس كەزىندە بالالار قا­راۋ­سىز قالىپ قويادى. بالالار ادەتتە بىرنارسەگە الاڭداپ اتا-انالارىنان اجىراپ قالادى, كەيدە باسقا جاققا جۇگىرىپ كەتەدى. اتا-انالار بالالارىن ءوز بەتىنشە تابا المايتىن جاعدايلار كوپ. اسكەري جاساقتار ارقاشان جالعىز جۇرەتىن بالالارعا نازار اۋدارادى. ۇلاندىق جاۋىنگەرلەر ولارمەن امان­داسادى, سويلەسەدى, كىم­مەن جۇرگەندەرىن سۇ­راي­دى. بالالار اسكەري فور­ماداعى ادامدارعا سەنەدى. سوندىقتان ولار جوعا­لىپ كەتكەنىن نەمەسە ۇيلەرىنە قاراي جول تابا الماي جۇر­گە­نىن جاسىرماي ايتادى. مۇنداي كەزدەرى ءبىز دەرەۋ شارا قولدانىپ, بالالاردى جاقىندارىنا قايتارامىز. ويتكەنى بالا – ءار اتا-انا ءۇشىن ەڭ قىمباتى», دەيدى ۇلتتىق ۇلان جاۋىنگەرلىك قىزمەت باس باسقارماسىنىڭ اعا وفيتسەرى ەرمەك تۇرعى­نوۆ.