«قازگيدرومەت» 7-9 ساۋىرگە ارنالعان اۋا رايى بولجامىن ۇسىندى. سينوپتيكتەردىڭ مالىمەتىندە ەلىمىزدىڭ باسىم بولىگىندە تۇراقسىز اۋا رايى كۇتىلەتىنى ايتىلعان, دەپ حابارلايدى Egemen.kz.
«قار, جاڭبىر جاۋادى, قازاقستاننىڭ وڭتۇستىك جارتىسىندا كۇن كۇركىرەيدى, ەلدىڭ وڭتۇستىك بولىگىندە, ورتالىعىندا جانە شىعىسىندا قاتتى جاڭبىر جاۋادى», دەلىنگەن «قازگيدرومەت» رمك حابارلاماسىندا.
سونداي-اق ەلدىڭ باسىم بولىگىندە تۇمان ءتۇسىپ, جەل كۇشەيەدى.
«رەسپۋبليكانىڭ سولتۇستىك جارتىسىنا باتىس انتيتسيكلون اسەر ەتەدى, سوندىقتان كەزەڭ سوڭىندا جاۋىن-شاشىنسىز اۋا رايى بولادى», دەيدى ماماندار.