بۇگىن ەلىمىزدىڭ باسىم بولىگىندە كۇن رايى اشىق بولادى

تەك باتىستا, وڭتۇستىك-باتىستا جانە سولتۇستىك-باتىستا فرونتالدى بولىكتەردىڭ وتۋىمەن جاڭبىر جاۋادى. رەسپۋبليكا بويىنشا تۇمان, جەلدىڭ كۇشەيۋى, وڭتۇستىك-باتىستا نايزاعاي, شاڭدى داۋىل كۇتىلەدى.

تۇندە باتىس قازاقستان وبلىسىنىڭ وڭتۇستىك-باتىسىندا, كۇندىز باسىم بولىگىندە 15-20 م/س ەكپىندە جەل سوعادى, كۇشى 23-28 م/س دەيىن ارتادى. ءوڭىردىڭ شىعىسىندا تۇمان بولادى.

كۇندىز اتىراۋ, ماڭعىستاۋ وبلىستارىنىڭ باسىم بولىگىندە 15-20 م/س ەكپىندە جەل سوعادى. كۇندىز ماڭعىستاۋ وبلىسىنىڭ باتىسىندا, سولتۇستىك-شىعىسىندا شاڭدى داۋىل تۇرىپ, ءوڭىردىڭ سولتۇستىگىندە نايزاعاي وينايدى.

اقمولا وبلىسىنىڭ سولتۇستىگىندە, باتىسىندا جەل 15-20 م/س كۇشەيەدى, تۇندە جانە تاڭەرتەڭ ءوڭىردىڭ وڭتۇستىگىندە تۇمان تۇسەدى.

الماتى وبلىسىنىڭ الاكول اۋدانىندا جەلدىڭ جىلدامدىعى 17-22 م/س جەتەدى.

قوستاناي وبلىسىنىڭ سولتۇستىگىندە, باتىسىندا 15-20 م/س جەل تۇرادى, ەكپىنى 23-28 م/س كۇشەيەدى. ءوڭىردىڭ سولتۇستىگىندە تۇمان بولجانادى.

اقتوبە وبلىسىنىڭ وڭتۇستىك-باتىسىندا جەل 15-20 م/س كۇشەيەدى.

سولتۇستىك قازاقستان وبلىسىنىڭ باتىسىندا, سولتۇستىگىندە جەل 15-20 م/س كۇشەيەدى. تۇندە جانە تاڭەرتەڭ ءوڭىردىڭ وڭتۇستىگىندە تۇمان تۇسەدى.

كۇندىز قىزىلوردا وبلىسىنىڭ سولتۇستىگىندە جەل 15-20 م/س ارتادى.

جامبىل وبلىسىنىڭ سولتۇستىك-شىعىسىندا, تاۋلى اۋداندارىندا جەل كۇشەيەدى.