ونى تاراتقان پەتروپاۆلدىڭ ماس تۇرعىنى قىلمىستىق جاۋاپكەرشىلىككە تارتىلۋى مۇمكىن. ول «102» ارناسىنا تەلەفون شالىپ, زاۆودسكايا كوشەسىندەگى ۇيلەردىڭ ءبىرىنىڭ كىرەبەرىسىندە جارىلعىش زات تۇرعانى تۋرالى سۋىت حابار جەتكىزگەن.
حابارلاماعا پاترۋلدىك پوليتسيا باتالونى قىزمەتكەرلەرى, جارعىش تەحنيكتەر جانە باسقا دا جەدەل قىزمەتتەردىڭ وكىلدەرى تىك كوتەرىلىپ, تەكسەرىس جۇرگىزدى. الايدا حابار جالعان بولىپ شىقتى.
وتىرىك ايتقان ادام اتالعان ءۇيدىڭ ماڭىنان ۇستالدى. بۇرىن قىلمىستىق جاۋاپكەرشىلىككە تارتىلعان 38 جاستاعى قالا تۇرعىنى ورتا دەڭگەيدەگى الكوگولدىك ماساڭ كۇيدە بولعانى انىقتالدى. اتالعان فاكتى قىلمىستىق كودەكسىنىڭ 273-بابى «تەرروريزم اكتiسi تۋرالى كورiنەۋ جالعان حابارلاۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.
«تەلەفون تەرروريزمى» ءۇشىن قىلمىستىق كودەكستىڭ 273-بابىنا سايكەس ءىرى كولەمدەگى ايىپپۇلدان باستاپ 5 جىلعا دەيىن باس بوستاندىعىنان ايىرۋ كوزدەلگەن.
پەتروپاۆل