مەملەكەت باسشىسىنىڭ وكىمىمەن جاندوس نۇرلان ۇلى شايماردانوۆ قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ باسشىسى لاۋازىمىنا تاعايىندالدى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
جاندوس شايماردانوۆ 1987 جىلى شىعىس قازاقستان وبلىسىندا دۇنيەگە كەلگەن.
2009 جىلى «بولاشاق» باعدارلاماسى بويىنشا ۇلىبريتانيانىڭ يورك ۋنيۆەرسيتەتىندە ءبىلىم العان. ماماندىعى - «ەكونوميكا جانە قارجى».
ەڭبەك ءوتىلى:
ەكونوميكا جانە بيۋدجەتتىك جوسپارلاۋ مينيسترلىگىنىڭ باس ساراپشىسى (2009-2010); «سامۇرىق-قازىنا» ۇاق» اق مەنەدجەرى (2010-2013); ەكونوميكا جانە بيۋدجەتتىك جوسپارلاۋ ءمينيسترىنىڭ كەڭەسشىسى (2013-2014); ۇلتتىق ەكونوميكا مينيسترلىگى ستراتەگيالىق جوسپارلاۋ جانە تالداۋ دەپارتامەنتىنىڭ ديرەكتورى (2014-2016); دەپارتامەنت ديرەكتورى, «بايتەرەك» ۇبح» اق باسقارۋشى ديرەكتورى (10.2016-2019); «QazTech Ventures» اق باسقارما توراعاسى (2019-2020); قر ۇلتتىق بانكىنىڭ اقشا-كرەديت ساياساتى دەپارتامەنتىنىڭ ديرەكتورى (2020 جىلدان باستاپ).