مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا. kz حابارلادى.
مەملەكەتتەر باسشىلارى ەكىجاقتى قارىم-قاتىناستاردىڭ باسىمدىعى بار باعىتتارىن, سونداي-اق ساۋدا-ەكونوميكا سالاسىنداعى ىنتىماقتاستىق اياسىن كەڭەيتۋ ماسەلەلەرىن تالقىلادى.
سونداي-اق, ەۋرازيا كەڭىستىگىندەگى ينتەگراتسيالىق ءوزارا ىقپالداستىق جايتتارى قوزعالدى. اتاپ ايتقاندا, جوعارى ەۋرازيالىق ەكونوميكالىق كەڭەستىڭ وتىرىسىنا دايىندىق بارىسى قارالدى.
بۇعان قوسا, ەكى مەملەكەت كوشباسشىلارى جۇمىسىن اياقتاعان گااگاداعى يادرولىق قاۋىپسىزدىك جونىندەگى ءسامميتتىڭ قورىتىندىلارى تۋرالى پىكىر الماستى.
نۇرسۇلتان نازارباەۆ پەن ۆلاديمير پۋتين ەكىجاقتى ىنتىماقتاستىقتىڭ بارلىق باعىتتارى بويىنشا تولىق ءوزارا تۇسىنىستىك بارىن اتاپ ءوتتى.
دەرەككوز: اقوردا. kz.
فوتو: www.Youtube.com.